Á næstu dögum er gert ráð fyrir að hlýni enn frekar og hláni, því geta fylgt vatnstjón og hálkuslys. Mikilvægt er að bæjarbúar séu meðvitaðir um þá hættu sem skapast getur við aðstæður sem slíkar og bregðist við með því að moka frá niðurföllum og fylgjast með vatni í kringum sín heimili.
Athugið að hægt er að sjá staðsetningu niðurfalla á kortavef Mosfellsbæjar. Í valmyndinni hægra megin er smellt á Veitur > Fráveita > Niðurföll.
Íbúar geta sótt sand og salt við þjónustustöðina, Völuteig 15. Einnig er hægt að nálgast salt á fjórum öðrum stöðum í bænum:
- biðskýli í Vefarastræti við Helgafellsskóla
- grenndarstöð Vogatungu
- grenndarstöð Bogatanga
- afleggjari að Mosfellskirkju í Mosfellsdal
Nauðsynlegt er að hafa meðferðis poka eða ílát undir saltið.
Tengt efni
Hlákutíð framundan samkvæmt veðurspá
Vetrarþjónusta
Siðustu vikur hafa bæði verktakar og starfsfólk þjónustustöðvar verið kölluð út nánast daglega til að sinna verkefnum tengdum snjómokstri eða hálkuvörnum og starfsmenn þjónustustöðvar verið á vaktinni allan sólahringinn.
Gul veðurviðvörun fram að hádegi 18. janúar 2024
Lögreglan á höfuðborgarsvæðinu vekur athygli á gulri veðurviðvörun í nótt og fram að hádegi á morgun fimmtudaginn 18. janúar 2024.
