Glæsileg dagskrá í Bókasafni Mosfellsbæjar 28. mars og 4. apríl.
Boðið er upp á glæsilega dagskrá Menningarvors sem haldin verður tvö þriðjudagskvöld í röð, þann 28. mars og 4. apríl á Bókasafni Mosfellsbæjar og hefst kl. 20:00. Þetta er í áttunda sinn sem Menningarvor er skipulagt í Mosfellsbæ og hefur menningarveislan notið vaxandi vinsælda.
Að þessu sinni njótum við íslenskra listamanna en einnig verða menningarþræðirnir raktir til Kúbu í tali og tónum.
Léttar veitingar – Ókeypis aðgangur.
Dagskrá 28. mars:
- Regína Ósk syngur lög af plötum sínum og önnur lög í bland.
- Ari Eldjárn uppistandari flytur gamanmál eins og honum einum er lagið.
Dagskrá 4. apríl:
- Hljómsveit Tómasar R. Einarssonar leikur lög af hinni vinsælu plötu Bongó sem kom út s.l. haust og einhver kúbönsk stef gætu líka skotið upp kollinum.
- Tamila Gámez Carcell segir frá Kúbu og Tómas R. Einarsson frá kúbönskum bókmenntum og tónlist.
- Jóhannes Agnar Kristinsson og Bergþóra Andrésdóttir frá Salsamafíunni sýna dans.
Tengt efni
Safnanótt 2023 með pompi og pragt
Safnanótt var haldin hátíðleg í Bókasafni Mosfellsbæjar föstudaginn 3. febrúar.
Vel heppnað Bókmenntahlaðborð eftir tveggja ára hlé
Bókmenntahlaðborð Bókasafns Mosfellsbæjar var haldið þriðjudaginn 22. nóvember, eftir tveggja ára hlé sökum Covid-19 heimsfaraldursins.
Gleðilegt sumar!
Breyting hefur verið gerð á reglum um sóttvarnir á söfnum. Nú hafa söfn heimild til að taka á móti helmingi af hámarksfjölda gesta.