Hin árlega menningarvika leikskóla Mosfellsbæjar fer fram dagana 11. – 15. apríl í Kjarna.
Öll börn í leikskólum Mosfellsbæjar hafa verið að vinna listaverk sem verða til sýnis í kjarnanum. Sýningin gefur innsýn í það frábæra, fjölbreytta og metnaðarfulla starf sem unnið er í leikskólum bæjarins.
Börn af leikskólum bæjarins mæta í Kjarnann, skoða sýninguna og syngja fyrir gesti og gangandi.
Dagskrá:
- 11. apríl: Sýningin sett upp
- 12. apríl: Árgangar 2009, 2008 og 2007 mæta og syngja kl. 10:40
- 13. apríl: Árgangur 2006 mætir og syngur kl. 10:40
- 14. apríl: Sýningin opin
- 15. apríl: Árgangur 2005 mætir og syngur kl. 10:40
Við hvetjum bæjarbúa til að mæta í Kjarna vikuna 11. – 15. apríl og skoða listasýninguna og hlýða á börnin syngja.