Tendrun ljósanna á jólatrénu á Miðbæjartorginu hefur um árabil markað upphaf jólahalds í bænum.
Tendrunin á sér fastan sess í hjörtum bæjarbúa sem fjölmenna á viðburðinn ár hvert.
- Skólahljómsveit Mosfellsbæjar spilar í Kjarna frá kl. 15:30.
- Dagskrá á Miðbæjartorginu hefst kl. 16:00.
Skólakór Varmárskóla syngur jólalög, og söngkonan Hreindís Ylva Garðarsdóttir Holm kemur fram. Gera má ráð fyrir að einhverjir jólasveinanna komi ofan úr Esju þennan dag til að dansa í kringum tréð með börnunum.
Eftir að dansað hefur verið í kringum jólatréð verður haldið inn í Kjarna þar sem Kammerkór Mosfellsbæjar mun syngja lög ásamt strengjasveit Listaskóla Mosfellsbæjar og Skólakór Varmárskóla.
3. flokkur karla í knattspyrnu í Aftureldingu sér um sölu á heitu kakó, kaffi og vöfflum, Rauði krossinn selur handverk og Kvenfélag Mosfellsbæjar heldur sinn árlega kökubasar.
Tengt efni
Íslandsmótið í skák fer fram í Mosfellsbæ næstu daga
Stóri Plokkdagurinn 28. apríl 2024
Með þátttöku í Stóra plokkdeginum vill Mosfellsbær taka virkan þátt í þessu metnaðarfulla umhverfisátaki sem fer fram undir merkjum félagsskaparins Plokk á Íslandi.
Dagur Listaskólans 2. mars 2024
Dagur Listaskólans er laugardaginn 2. mars og er opið hús hjá tónlistardeild, Skólahljómsveit og Leikfélagi Mosfellssveitar.
