Lionsklúbburinn Úa afhenti á dögunum spjaldtölvur til grunnskólanna í Mosfellsbæ.
Þær eru einkum ætlaðar til notkunar í lestri fyrir börn með sérþarfir og sértæka lestrarörðugleika.
Þetta er liður í lestrarátaki klúbbsins og á vinkvennakvöldi sem haldið var í haust var ákveðið að hluti ágóðans færi í þetta verkefni. Lestrarátak Lions er 10 ára alþjóðlegt verkefni sem hófst á síðasta starfsári. Lionshreyfingin um allan heim mun hvetja til lestrar og vinna gegn ólæsi. Eitt af verkefnunum er að afhenda öllum nemendum í 5. bekk bókamerki sem er með tilvitnunum eftir Þórarin Eldjárn. Síðan stendur til að gefa öllum sex ára börnum á Íslandi bók haustin 2015 og 2016 og er það gert í samvinnu með IBBY á Íslandi sem eru frjáls félagasamtök áhugamanna um barnabókmenntir.
Skólastjórarnir Þrúður Hjelm, Jóhanna Magnúsdóttir og Þórhildur Elfarsdóttir ásamt Svöfu Harðardóttur formanni Lionsklúbbsins Úu.
Tengt efni
Myndir frá Stóru upplestrarkeppninni 2024
Lokahátíð Stóru upplestrarkeppninnar 2024
Í gær fór fram lokahátíð Stóru upplestrarkeppninnar í Mosfellsbæ og var hún haldin í Lágafellsskóla.
Stóra upplestrarkeppnin í Mosfellsbæ
Stóra upplestrarkeppnin verður haldin í Lágafellsskóla fimmtudaginn 21. mars kl. 17:00.