Fjöldi fólks hefur nú þegar skráð sig í Lífshlaupið en hægt er að skrá sig fram á síðasta dag átaksins, þann 22. febrúar nk.
Öll hreyfing telur með svo lengi sem það nær samtals 30 mínútum á dag hjá fullorðnum og 60 mínútum á dag hjá börnum og unglingum.
Lífshlaupið skiptist í fjóra keppnisflokka:
- Vinnustaðakeppni frá 2. febrúar – 22. febrúar, fyrir 16 ára og eldri
- Framhaldsskólakeppni frá 2. febrúar – 15. febrúar, fyrir 16 ára og eldri
- Grunnskólakeppni frá 2. febrúar– 15. febrúar, fyrir 15 ára og yngri
- Einstaklingskeppni þar sem hver og einn getur skráð inn sína hreyfingu allt árið
Hugum að heilsunni og verum dugleg að hreyfa okkur!
Lífshlaupið er heilsu- og hvatningarverkefni Íþrótta- og Ólympíusambands Íslands. Markmið þess er að hvetja landsmenn til þess að fara eftir ráðleggingum Embættis landlæknis um hreyfingu hvort sem er í frítíma, vinnu, skóla eða við val á ferðamáta. Í ráðleggingunum segir að börn og unglingar ættu að hreyfa sig í minnst 60 mínútur daglega og fullorðnir ættu að stunda miðlungserfiða hreyfingu í minnst 30 mínútur daglega.
Tengt efni
Mosfellsbær efstur á lista yfir spennandi ferðamannastaði á Íslandi
Samstarf um lagningu skíðagönguspora
Gönguskíðaspor í Mosfellsbæ
Gönguskíðabrautir hafa verið lagðar í landi Blikastaða og á Hafravatni.
