Íbúar Mosfellsbæjar eru hvattir til að taka þátt í Lífshlaupinu og skapa skemmtilega stemningu og auka félagsandann á vinnustaðnum/í skólanum.
Skráning er hafin í Lífshlaupið 2022 en keppnin hefst svo 2. febrúar.
Íbúar Mosfellsbæjar eru hvattir til að taka þátt í Lífshlaupinu og skapa skemmtilega stemningu og auka félagsandann á vinnustaðnum/í skólanum.
Lífshlaupið skiptist í fjóra keppnisflokka:
- Vinnustaðakeppni frá 2. febrúar – 22. febrúar, fyrir 16 ára og eldri
- Framhaldsskólakeppni frá 2. febrúar – 15. febrúar, fyrir 16 ára og eldri
- Grunnskólakeppni frá 2. febrúar– 15. febrúar, fyrir 15 ára og yngri
- Einstaklingskeppni þar sem hver og einn getur skráð inn sína hreyfingu allt árið
Nú sem aldrei fyrr er mikilvægt að huga vel að bæði andlegri og líkamlegri heilsu. Hugum að heilsunni og verum dugleg að hreyfa okkur reglulega, munum að allt telur.
Lífshlaupið er heilsu- og hvatningarverkefni Íþrótta- og Ólympíusambands Íslands. Markmið þess er að hvetja landsmenn til þess að fara eftir ráðleggingum Embættis landlæknis um hreyfingu hvort sem er í frítíma, vinnu, skóla eða við val á ferðamáta. Í ráðleggingunum segir að börn og unglingar ættu að hreyfa sig í minnst 60 mínútur daglega og fullorðnir ættu að stunda miðlungserfiða hreyfingu í minnst 30 mínútur daglega.
