Mosfellsbær auglýsir hér með skv. 1. mgr. 26. gr. laga nr. 73/1997 tillögu að breytingum á gildandi deiliskipulagi Leirvogstungu, síðast breyttu 24. júní 2009.
Meginefni breytinganna er að tveggja hæða raðhús með innbyggðum bílskúr á tveimur reitum við Vogatungu í norðausturhluta hverfisins, merktum A og C á tillöguuppdrætti, breytast í einnar hæðar raðhús með bílskýli fyrir framan. Íbúðum á reitunum fjölgar um fjórar og verða 36.
Tillagan verður til sýnis í þjónustuveri Mosfellsbæjar, Þverholti 2, 1. hæð, frá 11. mars 2010 til og með 22. apríl 2010, svo að þeir sem þess óska geti kynnt sér hana og gert við hana athugasemdir. Athugasemdir skulu vera skriflegar og hafa borist skipulags- og byggingarnefnd Mosfellsbæjar, Þverholti 2, 270 Mosfellsbæ, eigi síðar en 22. apríl 2010. Hver sá sem ekki gerir athugasemd við tillöguna innan þessa frests telst vera henni samþykkur.
5. mars 2010
Skipulagsfulltrúi Mosfellsbæjar
Tengt efni
Grenndarkynning – Leirutangi 13A
Á fundi skipulagsnefndar Mosfellsbæjar þann 10. júní sl. var samþykkt að grenndarkynna byggingaráform í samræmi við 44. gr. skipulagslaga nr. 123/2010, fyrir viðbyggingu sólskála að Leirutanga 13A.
Grenndarkynning á þegar byggðum viðbyggingum við Arnartanga 44
Tillaga að deiliskipulagi – Frístundabyggð í Miðdalslandi, Mosfellsbæ
Mosfellsbær auglýsir hér með tillögu að nýju deiliskipulagi skv. 1. mgr. 41. gr. skipulagslaga nr 123/2010:
