Vegagerðin, í samvinnu við Reykjavíkurborg, vinnur að undirbúningi Sundabrautar frá Sæbraut að Kjalarnesi.
Markmið framkvæmdarinnar er að bæta samgöngur fyrir alla ferðamáta, dreifa umferð og bæta tengingar við og innan höfuðborgarsvæðisins, stytta akstursleiðir og ferðatíma og minnka þannig útblástur og mengun. Áætlaður framkvæmdatími er 2026-2031. Framkvæmdin verður boðin út sem samvinnuverkefni.
Kynningarfundur um framkvæmdina verður haldinn í sal Framhaldsskólans í Mosfellsbæ, Bjarkarholti 35, fimmtudaginn 12. október kl. 18:00 – 19:15.
Á fundinum munu fulltrúar Vegagerðarinnar og verkfræðistofunnar EFLU kynna fyrirhugaða framkvæmd ásamt áherslum í komandi umhverfismati. Til skoðunar eru valkostir á legu Sundabrautar auk tenginga við byggð og atvinnustarfsemi.
Frekari upplýsingar er að finna á skipulagsgatt.is
Opið er fyrir umsagnir og athugasemdir til 19. október 2023.
Tengt efni
Flaggað við minnisvarða í Arnartanga
Eftir Vestmannaeyjagosið árið 1973 voru byggð Viðlagasjóðshús við Arnartanga í Mosfellsbæ.
Helgi Áss Grétarsson Íslandsmeistar í skák 2024
Sumardagurinn fyrsti í Mosfellsbæ - Fögnum saman
Hittumst og fögnum sumri saman!