Þessir frábæru krakkar sem búa í nágrenni Reykjadals í Mosfellsdal söfnuðu 17.017 krónum með skransölu fyrr í sumar sem haldin var á markaðnum á Mosskógum hjá Nonna og Völu.
Ágóðinn var afhentur í Reykjadal á dögunum. Börnin í Reykjadal höfðu málað boli til að gefa krökkunum og svo var öllum boðið í köku og djús.
Krakkarnir vilja senda hjartans þakkir til allra þeirra sem hjálpuðu þeim við að framkvæma þessa hjartahlýju hugmynd.
Ásgeir Anton, Bríet Björk, Emma Björk, Ragnheiður Anna og Júlíana Rún afhenda afrakstur skransölunnar. Á myndirnar vantar Telmu og Anítu Finnsdætur.
