Komdu út er gönguverkefni þar sem skátarnir í Mosfellsbæ hvetja fjölskyldur til að koma út í smá göngutúr til að anda að sér fersku lofti og hreyfa sig. Ekki er verra að félagsskapurinn er alltaf ákaflega góður.
Nú er komið að fyrstu ferðinni þetta árið en við hittumst alltaf kl. 10:00 við skátaheimili Mosverja. Lagt er af stað á bílum (öll fá far), upp að bílastæði við Reyki. Þaðan er labbað upp Húsadal og upp á Reykjafellið. Svo gæti farið að gangan fari alla leið að rústum sem eru þarna af gömlu seli. Áætluð heimkoma um kl. 13:00.
Takið nú fram útigallann og göngum saman. Það þarf ekki að vera Mosverji til að taka þátt.
Það geta öll verið með og öll eru velkomin!
