Kiwanisklúbbarnir í Mosfellsbæ, Mosfell og Geysir, í samstarfi við Eimskip afhentu á dögunum 1. bekkingum í grunnskólum bæjarins nýja hjálma.
Þetta hefur verið árlegur gjörningur síðustu ár og engin breyting þar á þótt umræðan og reglur í Reykjavík séu upp í loft.
„Mjög ánægjulegt er að sjá hvað krakkarnir eru glaðir og ánægðir og bíða spenntir á hverju voru eftir heimsókn frá okkur,“ segir Kristján Þór Ingvarsson forseti Kiwanisklúbbsins Mosfells. „Við afhentum um 155 hjálma í alla grunnskóla bæjarins, Varmár-, Lágafells- og Krikaskóla. Í framhaldi af afhendingu okkar hafa skólarnir verið með öryggisátak þar sem krökkunum er sýnd nauðsyn þess að hafa alltaf hjálm á höfði þegar hjólað er.“
Tengt efni
Frumkvöðlar óskast!
Lumar þú á frumlegri hugmynd sem gæti gert gott samfélag enn betra?
Styrkir veittir til efnilegra ungmenna 2024
Á dögunum veitti íþrótta- og tómstundanefnd Mosfellsbæjar styrki til ungra og efnilegra ungmenna á fundi sem haldinn var í Listasal Mosfellsbæjar.
Myndir frá Stóru upplestrarkeppninni 2024