Skógræktarfélag Mosfellsbæjar opnar Jólaskóginn í Hamrahlíð laugardaginn 11. desember kl. 13:00.
Jólatrjáasalan er fyrir löngu orðinn fastur liður í undirbúningi jólanna hjá mörgum íbúum Mosfellsbæjar og nærsveitunga. Það er skemmtileg hefð að skunda í skóginn og velja sér fallegt tré.
Á laugardaginn koma jólasveinar í heimsókn, Mosfellskórinn syngur og Haraldur Sverrisson bæjarstjóri fellir fyrsta tréð. Þá verður boðið upp á skógarkaffi og heitt súkkulaði.
Í skóginum má finna skemmtilegar gönguleiðis og tilvalið að eiga notalega fjölskyldustund á aðventunni.
Jólaskógurinn í Hamrahlíð er hlíðum Úlfarsfells og staðsettur við Vesturlandsveg á milli Mosfellsbæjar og Reykjavíkur. Með kaupum á jólatrjám er stutt við starf Skógræktarfélags Mosfellsbæjar, en mest af starfsemi félagsins er unnið í sjálfboðavinnu. Hluti af ágóða jólatrjáasölunnar er nýttur til að gróðursetja allt að 30 tré fyrir hvert selt tré. Með kaupum á mosfellskum jólatrjám er því verið að stuðla að aukinni skógrækt innan Mosfellsbæjar. Jólaskógurinn er því sjálfbær, það bætast fleiri tré við en eru tekin út.
Tengt efni
Jólaljós við Hlégarð og tendrun jólatrés á miðbæjartorgi
Ljósin tendruð á jólatrénu á Miðbæjartorgi 2. desember 2023
Tendrun ljósanna á jólatrénu á Miðbæjartorginu hefur um árabil markað upphaf jólahalds í bænum.
Sköpum rými
Opinn fundur menningar- og lýðræðisnefndar um rými fyrir sköpun og miðlun menningar í Mosfellsbæ verður haldinn í Hlégarði þriðjudaginn 28. nóvember.
