Boðað er til íbúa- og kynningarfundar í samræmi við ákvæði skipulagslaga og reglugerðar vegna tillögu að nýju deiliskipulagi fyrir 5. áfanga Helgafellshverfis í norðausturhluta hverfisins.
Áætlað er að þar rísi fjölbreytt byggð með um 150 nýjum eignum auk búsetukjarna. Svæðið tengist hverfinu um hringtorg við Vefarastræti, Gerpulstræti og Skammadalsveg.Einnig verður til kynningar aðalskipulagsbreyting sem fylgir nýju deiliskipulagi.
Á fundinum verður farið yfir forsögn að framtíðarskipulagi 6. áfanga sama hverfis sem verður norðan af Ásahverfi. Er skipulag og skipulagslýsing þess í undirbúningi í samræmi við samþykktir skipulagsnefnda og bæjarstjórnar Mosfellsbæjar.
Fundurinn verður fimmtudaginn 14. október n.k., kl. 17:00 – 18:00 í nýjum sal Helgafellsskóla. Gengið er inn um suðurinngang skólans frá bílastæðunum sem eru fyrir miðri byggingu.
Öll gögn sem kynnt verða á fundinum verða aðgengileg á vef Mosfellsbæjar þegar skipulagið verður auglýst.
Minnum á ábyrgð einstaklinga að huga að persónulegum sóttvörnum.
Skipulagsfulltrúi Mosfellsbæjar
Tengt efni
Grenndarkynning á umsókn um byggingarleyfi – Grenibyggð 2
Á afgreiðslufundi Skipulagsfulltrúa Mosfellsbæjar þann 6. nóvember sl. var samþykkt að grenndarkynna skv. 1. og 2. mgr. 44. gr. skipulagslaga nr. 123/2010, umsókn eigenda Grenibyggðar 2, Mosfellsbæ.
Grenndarkynning á umsókn um byggingarleyfi – Markholt 13
Grenndarkynning – Tillaga að deiliskipulagsbreytingu, Sveinsstaðir L125058
