Mosfellsbær tekur þátt í Hreyfivikunni sem Ungmennafélag Íslands stendur fyrir á Íslandi dagana 29. september til 5. október.
Á vef Hreyfivikunnar er að finna metnaðarfulla dagskrá í fjölda sveitarfélaga um allt land. Í Mosfellsbæ er mjög fjölbreytt dagskrá fyrir flesta aldurshópa í alls kyns hreyfingu eins og ketilbjöllum, boccia og hlaupastílsnámskeið. Mosfellsbær býður upp á sögugöngu undir leiðsögn Bjarka Bjarnasonar á fimmtudag.
Á Íslandi eru fjölmargir aðilar að skipuleggja spennandi viðburði sem allir geta tekið þátt í og sótt. NowWeMove herferðin er skipulögð af ISCA í samstarfi við Evrópu samtök hjólreiðamanna (ECF) og yfir 250 frjálsfélagasamtök um alla Evrópu.
Hreyfivikan er haldin um gjörvalla Evrópu í fyrstu viku októbermánaðar. Hreyfivikan er hluti af NowWeMOVE herferðinni. Markmið UMFÍ með Hreyfivikunni er að kynna kosti þess að taka virkan þátt í íþróttum og hreyfingu til heilsubótar.
Mikill fjöldi samtaka um allan heim, fyrirtæki og einstaklingar leggja sitt að mörkum við að skipuleggja viðburði, kynna það starf sem þegar er til staðar og smita frá sér jákvætt hugarfar tengt hreyfingu í Hreyfivikunni.
Tengt efni
Hjólað í vinnuna 8. - 28. maí 2024
Fjallahjólabraut og frisbígolf í Ævintýragarðinum
Framkvæmdir hófust í morgun við nýja fjallahjólabraut í Ævintýragarðinum.
Krakkaglíma í Mosfellsbæ
Föstudaginn 8. apríl 2024 hefst átta vikna krakkaglímunámskeið fyrir 5-8 ára börn í Íþróttamiðstöðinni að Varmá.
