Fjalla­hjóla­braut­in „Flækj­an“ opn­uð og fris­bí­golf­völl­ur­inn end­ur­vígð­ur

Fjalla­hjóla­braut­in „Flækj­an“ var form­lega opn­uð í dag. Braut­in er stað­sett í Æv­in­týra­garð­in­um í Mos­fells­bæ og hóf­ust fram­kvæmd­ir við hana í lok apríl.

Braut­in er um eins kíló­metra löng og hent­ar bæði byrj­end­um og lengra komn­um þar sem hægt að er velja úr mörg­um mis­mun­andi leið­um. „Flækj­an“ er sam­starfs­verk­efni Mos­fells­bæj­ar, Heilsu­efl­andi sam­fé­lags, Icebike Advent­ur­es og Hjóla­deild­ar Aft­ur­eld­ing­ar.

Magne Kvam frá Icebike Advent­ur­es hann­aði og lagði braut­ina ásamt sjálf­boða­lið­um og Sindri Hauks­son smíð­aði stökkpall­ana í „Flækj­unni“ en þess má geta að ung­ir ið­k­end­ur í Hjóla­deild Aft­ur­eld­ing­ar eiga heið­ur­inn af nafn­gift­inni.

Á sama tíma var fris­bí­golf­völl­ur Mos­fells­bæj­ar end­ur­vígð­ur eft­ir breyt­ing­ar en fram­kvæmd­ir við hann hafa stað­ið yfir í sum­ar. Búið er að færa til braut­ir og leggja heils­ár­spalla þann­ig að nú er hægt að spila þessa fjöl­skyldu­vænu íþrótt allt árið um kring.

Við hönn­un hjóla­braut­ar­inn­ar og end­u­nýj­un­ar fris­bí­golf­vall­ar­ins var horft til bæði nú­tíð­ar og fram­tíð­ar og haft í huga að braut­in og völl­ur­inn myndu liggja sam­an, en ekki skar­ast og einn­ig að mögu­legt væri að stækka bæði völl­inn og hjóla­braut­ina í fram­tíð­inni.

Fram­kvæmd­irn­ar í Æv­in­týra­garð­in­um eru hluti af því að styrkja og efla Mos­fells­bæ sem úti­vist­ar­bæ og heilsu­efl­andi sam­fé­lag.

Hjóla­deild Aft­ur­eld­ing­ar og Fella­hring­ur­inn af­hentu við þetta tæki­færi Erlu Ed­vards­dótt­ur, formanni íþrótta- og tóm­stunda­nefnd­ar Mos­fells­bæj­ar, 500.000 kr. sem safn­ast höfðu til að styðja við áfram­hald­andi upp­bygg­ingu á fjalla­hjóla­braut­um í Mos­fells­bæ.

Ljós­mynd­ari: Helga Dögg Reyn­is­dótt­ir