Á dögunum fékk leikskólinn Reykjakot jólakort frá nágrönnum sínum í Krókabyggð 1, 1a, 3, 3a og 5.
Ástæðan fyrir kortinu er sú að þau vilja samgleðjast leikskólanum vegna breytinga á lóðinni og þykir gaman að hafa glaða krakka í hverfinu. Þetta var dásamlegt kort sem yljaði starfsfólki leikskólans um hjartaræturnar. Nágrannarnir óskuðu eftir því að fá að koma í heimsókn í leikskólann og færa honum bókagjöf.
Mánudaginn 21. desember komu svo fulltrúar nágrannanna í heimsókn í leikskólann, Jóhanna, Jón og Maggý, og fengu kaffi og piparkökur, skoðuðu skólann og spjölluðu við leikskólastjóra og aðstoðarleikskólastjóra. Sú hugmynd kom fram að stofna vinafélag Reykjakots þar sem nágrannar, fyrrverandi nemendur og aðrir velunnarar Reykjakots geta verið með. Á nýju ári er fyrirhugað að stofna félagið formlega, setja markmið þess og kjósa stjórn. Strax kom fram hugmynd að halda vinahátíð á Reykjakoti í vor eða sumar. Einnig voru ræddar hugmyndir um verkefni sem hverfið og leikskólinn geta unnið að í sameiningu.
Við þökkum kærlega fyrir þennan hlýhug og frábæran stuðning við Reykjakot.
Tengt efni
Verkföll sem hafa áhrif á starfsemi allra leikskóla og grunnskóla í næstu viku
Aðildarfélög BSRB hafa boðað verkföll í næstu viku og standa samningaviðræður enn yfir.
Samningur um allt að 50 leikskólapláss í Korpukoti undirritaður
Bæjarráð hefur staðfest samning um allt að 50 leikskólapláss fyrir mosfellsk börn í Korpukoti.
Unnið að gerð samnings um allt að 50 leikskólapláss fyrir yngstu íbúa Mosfellsbæjar
Mosfellsbær hefur undanfarin ár boðið upp á leikskólaþjónustu fyrir yngsta aldurshópinn sem er orðinn 12 mánaða eða eldri þegar skólastarf hefst í ágúst ár hvert.
