Á fundi Skipulagsnefndar Mosfellsbæjar þann 11. maí sl. var samþykkt að grenndarkynna í samræmi við 2. mgr. 43. gr. skipulagslaga nr. 123/2010, tillögu að breytingu á deiliskipulagi, Óskotsvegar 12 og 14.
Breytingin felur í sér aukningu á byggingarmagni tveggja lóða úr 70,0 m² í 90,0 m², sem þá verður hámarks fermetrafjöldi á lóð fyrir frístundahús með eða án geymslu eða gestahúss.
Deiliskipulagið var upphaflega samþykkt þann 11.08.2005, skipulagsnr. 6728.
Í þessu tilviki er um að ræða óverulega breytingu á deiliskipulagi, sbr. 2. mgr. 43. gr. skipulagslaga. Hér með er gefinn kostur á að koma athugasemdum eða ábendingum á framfæri vegna þeirra framkvæmda sem sótt hefur verið um. Athugasemdir skulu vera skriflegar, ásamt helstu upplýsingum um sendanda og merktar skipulagsnefnd Mosfellsbæjar, Þverholti 2, 270 Mosfellsbæ. Einnig má senda athugasemdir í tölvupósti á skipulag[hja]mos.is.
Frestur til að skila inn athugasemdum/ábendingum er til og með 13. júlí 2023.
