Á fundi Skipulagsnefndar Mosfellsbæjar þann 3. maí sl. var samþykkt að grenndarkynna í samræmi við 44. gr. skipulagslaga nr. 123/2010, umsókn eigenda Hrafnshöfða 7.
Óskað er eftir breytingu á notkun húsnæðis. Breyta á skráðum bílskúr raðhúss í íverurými, þvottahús og tómstundaherbergi. Einnig er sótt um útlitsbreytingu þar sem bílskúrshurð er skipt út fyrir glugga.
Hér með er gefinn kostur á að koma athugasemdum eða ábendingum á framfæri vegna þeirra breytinga sem sótt hefur verið um. Athugasemdir skulu vera skriflegar, ásamt helstu upplýsingum um sendanda, og merktar skipulagsnefnd Mosfellsbæjar, Þverholti 2, 270 Mosfellsbæ. Einnig má senda athugasemdir í tölvupósti á skipulag[hja]mos.is.
Frestur til að skila inn athugasemdum/ábendingum er til og með 15. júlí nk.
