Fram­kvæmd­ir Sam­göngusátt­mála kynnt­ar fyr­ir full­um sal í Hlé­garði

Þriðju­dag­inn 21. janú­ar sl. fór fram op­inn íbúa­fund­ur í Hlégarði þar sem Samgöngusáttmálinn var kynntur fyr­ir full­um sal áhuga­samra íbúa.

Á fundinum kynntu helstu sérfræðingar hjá Betri samgöngum og Vegagerðinni einstakar útfærslur samöngusáttmálans. Bæjarstjóri, Regína Ásvaldsdóttir opnaði fundinn og kynnti helstu samningsmarkmið með uppfærslu samgöngusáttmálans en hann var undirritaður í ágúst síðastliðinn. Lengt var í samkomulaginu sem gildir nú til ársins 2040. Það mun þó ekki hafa áhrif á fyrirhugaða lagningu borgarlínunnar sem mun fara í gegnum Blikastaðahverfið að Háholti. Þá sagði Regína að þátttaka ríkisins í rekstri almenningssamgangna mjög mikilvægan þátt en ríkið kemur inn með 33% af kostnaði við reksturinn frá 1. janúar 2025.

Sam­göngusátt­máli höf­uð­borg­ar­svæð­is­ins

Sam­göngusátt­mál­inn er tíma­móta­sam­komulag sem gert árið 2019 á milli rík­is­ins og sex sveit­ar­fé­laga á höf­uð­borg­ar­svæð­inu, Garða­bæj­ar, Hafn­ar­fjarð­ar, Kópa­vogs, Mos­fells­bæj­ar, Reykja­vík­ur og Seltjarn­ar­ness um metn­að­ar­fulla upp­bygg­ingu á sam­göngu­inn­við­um og al­menn­ings­sam­göng­um á höf­uð­borg­ar­svæð­inu.

Markmið sam­göngusátt­mál­ans eru:

• Greið­ari sam­göng­ur og fjöl­breytt­ir ferða­mát­ar
• Kol­efn­is­hlut­laust sam­fé­lag
• Auk­ið um­ferðarör­yggi
• Sam­vinna og skil­vik fram­kæmd
• Bætt lýð­heilsa

Í sam­göngusátt­mál­an­um felast ýms­ar fram­kvæmd­ir á borð við þró­un stofn­vega og út­færslu­at­riða vegna sér­leið­ar fyr­ir­hug­aðr­ar Borg­ar­línu. Borg­ar­lín­an verð­ur tengd við strætó­leið­ir bæði frá ná­granna­sveit­ar­fé­lög­um sem og strætó­leið­um sem liggja utan stofn­leiða Borg­ar­línu á höf­uð­borg­ar­svæð­inu. Borg­ar­lín­an mun að mestu aka í sérrými með for­gangi á gatnamót­um en þann­ig eykst bæði áreið­an­leiki og hag­kvæmni.

Gert er ráð fyr­ir að 100 km af göngu- og hjóla­stíg­um liggi sam­hliða Borg­ar­lín­unni og gera má ráð fyr­ir að hljól­reiða­menn sem og gang­andi veg­far­end­ur komi til með að nýta Borg­ar­lín­una á ferð­um sín­um um höf­uð­borg­ar­svæð­ið. Sam­göngu­leið­in mun tengja Mos­fells­bæ við Reykja­vík og nær­liggj­andi bæj­ar­fé­lög og mun liggja í gegn­um fyr­ir­hug­aða byggð á Blikastaðalandi Mos­fells­bæj­ar.

Við­ræðu­hóp­ur rík­is og sveit­ar­fé­laga hóf upp­færslu sam­göngusátt­mál­ans í mars 2023. Við­ræðu­hópn­um var m.a. fal­ið að upp­færa sam­göngusátt­mál­ann og fram­kvæmda­áætlun, vinna áhrifamat af verk­efna­safni sátt­mál­ans og gera drög að samn­ingi um efl­ingu al­menn­ings­sam­gangna til að tryggja rekst­ur þeirra á höf­uð­borg­ar­svæð­inu.

Í sam­göngusátt­mál­an­um er gert ráð fyr­ir að fyr­ir­hug­uð Sunda­braut verði hluti af meg­in­stofn­vegi, verði hún byggð á skipu­lags­tíma­bil­inu. Sam­kvæmt svæð­is­skipu­lagi höf­uð­borg­ar­svæð­is­ins 2015-2040 munu sam­göng­ur mynda heild­stætt tveggja laga kerfi meg­in­stofn­vega og stofn­gatna, sem verða end­ur­hann­að­ar eft­ir því sem byggð og sam­göng­ur þró­ast.

Í skipu­lags­gátt er að finna matsáætlun Vega­gerð­ar­inn­ar, sem unn­in var í sam­vinnu við Reykja­vík­ur­borg en þar eru kynnt áform um bygg­ingu Sunda­braut­ar milli Sæ­braut­ar og Kjal­ar­ness og gerð grein fyr­ir hvern­ig stað­ið verð­ur að mati á um­hverf­isáhrif­um fram­kvæmd­ar­inn­ar. Sam­kvæmt matsáætlun er gert ráð fyr­ir að Sunda­braut tengi sam­an Sæ­braut við Laug­ar­nes eða Holta­veg og Vest­ur­landsveg á Kjal­ar­nesi með vegi um Kleppsvík, Gufu­nes, Eiðsvík, Geld­inga­nes, Leiru­vog, Álfsnes og Kolla­fjörð.

Skv. kynn­ing­ar­gögn­um í skipu­lags­gátt er gert ráð fyr­ir að Sunda­braut verði lögð í ein­um áfanga og fram­kvæmd­ir hefj­ist árið 2026 og ljúki árið 2031.