Eftir helgi hefjast framkvæmdir við 1. áfanga samgöngustígs í Ævintýragarði.
Samgöngustígurinn mun liggja frá Brúarlandi, yfir Varmá, framhjá hundagerði og Ævintýragarði og inn að Tunguvegi.
1. áfangi verksins nær frá Varmá og að hundagerði í Ævintýragarði. Meðan á framkvæmdum stendur verður gönguleið úr Leirvogstunguhverfi lokað við hundagerði en bent á hjáleið sem liggur upp slóða að undirgöngum við Vesturlandsveg og þaðan niður að Varmánni.
Við biðjumst velvirðingar á þeim óþægindum og truflunum sem af þessum framkvæmdum hlýst og biðjum við vegfarendur um að sýna aðgát við verksvæðið og framkvæmdaraðilum tillitssemi meðan á framkvæmdum stendur.
Áætluð verklok þessa áfanga eru í apríl 2021.
