Helgina 26-27. febrúar var yngsta frjálsíþróttafólk Aftureldingar að ljúka innanhússkeppnistímabilinu með miklum glæsibrag á Íslandsmóti 11 til 14 ára í Laugardalshöll.
Afturelding sendi fjórtán keppendur á mótið og kom heim með sjö verðlaun en nítján sinnum voru Mosfellingar í úrslitum, sem er frábær árangur.
Miðað við keppenda- og liðafjölda (337 keppendur/18 lið) var Afturelding litla liðið. Þrátt fyrir þá staðreynd voru 14 ára og 13 ára flokkarnir okkar í þriðja sæti árangurslega séð í sínum aldursflokkum.
Í þrettán ára flokki náði Arnór Breki Ásþórsson að landa Íslandsmeistaratitli í hástökki en hann stökk 1.58m.
Eftir mótið var sérstaklega talað um þennan góða árangur litla félagsins í Mosfellsbæ.
Til hamingu krakkar, með þennan árangur.
