Þeir Levison Mnyenyembe og Precious Kapunda verða með kynningu á sér og verkefninu Ascent Soccer Academy í félagsheimilinu Hlégarði miðvikudaginn 5. júní kl. 20:00.
Afturelding og Ascent Soccer Academy eru í samstarfi og því bauð Afturelding þessum tveimur ungu knattspyrnumönnum að dvelja eitt keppnistímabil með liðinu. Strákarnir sem eru 17 og 18 ára eru hjá fósturfjölskyldum í Mosfellsbæ á meðan á dvöl þeirra stendur.
Markmiðið með verkefninu er meðal annars að þeir kynnist knattspyrnu á norðurlöndum og að auka möguleika þeirra á því að komast á atvinnumannasamning í fótbolta síðar meir eða snúa að öðrum kosti heim með þekkingu og reynslu sem nýtist þeim. Verkefnið er fjármagnað með styrkjum og hefur sveitarfélagið Mosfellsbær meðal annars styrkt það.
Frítt er inn á kynninguna í Hlégarði en tekið verður við frjálsum framlögum til verkefnisins þar sem það er ekki full fjármagnað.
Auk kynningarinnar er spilaður góðgerðarfótboltaleikur þeim til heiðurs sunnudaginn 2. júní kl. 14:00 þar sem stjörnulið Balla Hallgríms spilar á móti Afturelding “Hall of Fame”.
Tengt efni
80 ára lýðveldisafmæli fagnað á 17. júní 2024
Að vanda var haldið upp á þjóðhátíðardaginn með glæsibrag í Mosfellsbæ.
Birgir D. Sveinsson heiðursborgari Mosfellsbæjar
Hátíðarhöld í Mosfellsbæ 17. júní 2024
Hæ hó jibbý og jei!