Forvarnardeginum 2019 var fagnað í grunn- og framhaldsskólum víða um landið 2. október.
Nemendum og starfsfólki Varmárskóla til mikillar ánægju kom Guðni Th. Jóhannesson forseti Íslands í heimsókn í skólann í tilefni dagsins. Hann gaf sér tíma til að ræða við nemendur hinna ýmsu árganga og ræddi svo sérstaklega við nemendur 10. bekkjar um forvarnir og mikilvægi þess að standast þrýsting annarra varðandi notkun vímuefna eins og kom fram á síðu forsetans á Facebook.
Embætti landlæknis stendur að Forvarnardeginum í samstarfi við embætti forseta Íslands, Reykjavíkurborg, Íþrótta- og ólympíusamband Íslands, Skátana, Ungmennafélag Íslands, Rannsóknir og greiningu, Samband íslenskra sveitarfélaga og Samstarf félagasamtaka í forvörnum.
Tengt efni
Nóg um að vera í Mosfellsbæ í sumar
Opnað fyrir nýtingu frístundaávísana allt árið
Barnadjasshátíð í Mosfellsbæ 20. - 23. júní 2024
Dagana 20. – 23. júní verður hátíðin Barnadjass í Mosó haldin í annað sinn.