Við stofnun Kvíslarskóla haustið 2021 ákváðu stjórnendur að láta reyna meira á verkefnavinnu, fjölbreytta kennsluhætti og samþættingu námsgreina og úr varð verkefni sem fékk nafnið Flipp flopp. Þá daga er almenn bókakennsla lögð til hliðar í tvo daga og unnið að verkefnum sem tengjast þó ákveðinni lykilhæfni sem byggir á Aðalnámskrá.
Flipp flopp dagar eru haldnir einu sinni í mánuði og er áherslan á virkni, upplýsingatækni, þema-, þrauta-, samvinnu og hönnunarmiðað nám. Markmiðið hefur verið að efla hópinn og þétta með því að nemendur fái tækifæri til að vinna saman og kynnast betur þvert á bekki.
Nemendur eru almennt ánægðir með verkefnið og sammála um að það hafi haft góð áhrif á skólabraginn. Stutt könnun sem lögð var fyrir foreldra/forsjáraðila eftir fyrsta veturinn sýndi einnig almenna ánægju með Flipp flopp dagana og sama á við um starfsfólk sem hefur verið ánægt með þetta uppbrot í skólastarfinu.
Tengt efni
Nóg um að vera í Mosfellsbæ í sumar
Opnað fyrir nýtingu frístundaávísana allt árið
Barnadjasshátíð í Mosfellsbæ 20. - 23. júní 2024
Dagana 20. – 23. júní verður hátíðin Barnadjass í Mosó haldin í annað sinn.