Mosfellsbær er besta sveitarfélagið til að búa í að mati íbúa.
Þetta kemur fram í árlegri könnun Capacent þar sem mæld var ánægja með þjónustu sveitarfélaga. Mælt er viðhorf íbúa 16 stærstu sveitarfélaga landsins. Síðustu ár hefur Mosfellsbær verið ofarlega í röðinni ásamt Garðabæ, Seltjarnarnesi og fleiri sveitarfélögum en vermir nú fyrsta sætið.
Alls eru 94% íbúa í Mosfellsbæ ánægð með Mosfellsbæ sem stað til að búa á en einnig eru íbúar afar ánægðir með gæði umhverfis í kringum heimili sitt. Spurðir um þjónustu Mosfellsbæjar í heild eru yfir 80% mjög eða frekar ánægðir. Niðurstöður sýna að Mosfellsbær er í eða yfir landsmeðaltali í öllum spurningunum.
Tengt efni
Best að búa í Mosfellsbæ
Mosfellsbær í öðru sæti á landsvísu – 92% íbúar ánægðir með Mosfellsbæ sem stað til þess að búa á
Niðurstöður úr þjónustukönnun Gallup fyrir árið 2022 liggja nú fyrir.
89% íbúa ánægðir með Mosfellsbæ sem stað til að búa á
Niðurstöður úr þjónustukönnun sveitarfélaganna fyrir árið 2021 liggja nú fyrir.
