Barna­djass­há­tíð í Mos­fells­bæ sú fyrsta sinn­ar teg­und­ar

Flytj­end­urn­ir eru á aldr­in­um 7-15 ára og koma frá Mos­fells­bæ, Sel­fossi, Reykja­vík, Nor­egi og Fær­eyj­um. Sam­kvæmt skipu­leggj­end­um er þetta í fyrsta skipti sem há­tíð af þessu tagi er hald­in á Ís­landi. Verk­efn­ið er styrkt af Tón­list­ar­sjóði Rannís, Mos­fells­bæ, Barna­menn­ing­ar­sjóði og Kiw­anis­klúbbn­um Mos­felli. Þá fékk verk­efn­ið veg­leg­an styrk frá Barna­menn­ing­ar­sjóði til að ferð­ast með verk­efn­ið um allt land næsta vet­ur.

List­rænn stjórn­andi há­tíð­ar­inn­ar er Odd André El­ve­land en hann er norsk­ur djass­tón­list­ar­mað­ur og rek­ur tón­list­ar­mið­stöð­ina Improba­sen i Osló. Hann hef­ur þró­að að­ferð­ir til að kenna ung­um börn­um að spila djass eft­ir eyr­anu og að improvisera og unn­ið með börn­um víðs­veg­ar um heim­inn. Fram­kvæmda­stjóri há­tíð­ar­inn­ar er Guð­rún Rúts­dótt­ir.

At­hygli vek­ur að stelp­ur eru í mikl­um meiri­hluta flytj­enda, þar sem mik­ið hef­ur hallað á kon­ur í djassi vilja skipu­leggj­end­ur gera sitt besta til að vald­efla stelp­ur í djassi, gera þær sýni­legri til að hjálpa til við að breyta þess­um hlut­föll­um.

Tvær hljóm­sveit­ir koma einn­ig fram á tón­leik­un­um; Rokk­bál sem er skip­uð krökk­um sem voru að ljúka 9. bekk og eru í Lista­skóla Mos­fells­bæj­ar und­ir hand­leiðslu Sig­ur­jóns Al­ex­and­ers­son­ar og hljóm­sveit skip­uð krökk­um úr 2.-4. bekk í Landa­kots­skóla und­ir hand­leiðslu Sól­rún­ar Gunn­ars­dótt­ur og Dag­nýj­ar Arn­alds.

Haldn­ir verða þrenn­ir tón­leik­ar: 22. júní kl 19:00 í Hlé­garði, 23. júní kl 17:00 í Húsi máls og menn­ing­ar (Reykja­vík) og 25. júní kl 16:00 í Bank­an­um Bistro Mos­fells­bæ. Að­gang­ur er ókeyp­is inn á alla tón­leik­ana.