Aukin þjón­usta í dag­vist­un barna og lækk­un leik­skóla­gjalda um 5%

Við sam­þykkt fjár­hags­áætl­un­ar fyr­ir árið 2018 voru tekn­ar ákvarð­an­ir um aukna þjón­ustu í dag­vist­un barna.

Al­mennt leik­skóla­gjald lækk­aði um 5% þann 1. janú­ar 2018 og munu for­eldr­ar greiða lægra gjald um næstu mán­að­ar­mót.

Sama gjald – Mis­mun­andi dag­vist­un­ar­form

Á ár­inu 2017 sam­þykkti bæj­ar­stjórn þá ný­lundu að öll börn 18 mán­aða og eldri greiddu leik­skóla­gjald óháð vist­un­ar­formi. Á þessu ári verð­ur bætt um bet­ur og ald­ur­inn færð­ur nið­ur í 13 mán­aða og tek­ur gildi mán­að­ar­mót­in eft­ir að barn­ið nær aldri. Sama gjald er nú greitt hvort sem börn eru hjá dag­for­eldr­um, í leik­skól­um í Mos­fells­bæ eða í einka­rekn­um leik­skól­um utan bæj­ar­fé­lags­ins.

Aukin þjón­usta fyr­ir yngstu börn­in

Á síð­asta ári hef­ur fræðslu- og frí­stunda­svið Mos­fells­bæj­ar ásamt leik­skól­un­um Huldu­bergi og Hlíð unn­ið að þró­un­ar­verk­efni sem lít­ur að auk­inni dag­vist­un­ar­þjón­ustu við for­eldra yngstu bæj­ar­bú­ana. Stofn­að­ar voru ung­barna­deild­ir við of­an­greinda leik­skóla og hafa þær ver­ið starf­andi frá síð­ast­liðnu hausti. Bæj­ar­stjórn Mos­fells­bæj­ar ákvað við sam­þykkt fjár­hags­áætl­un­ar fyr­ir árið 2018 að fjölga leik­skóla­pláss­um fyr­ir ung börn í Mos­fells­bæ úr 28 í 48. Fræðslu- og frí­stunda­svið hef­ur haf­ist handa við að út­hluta þess­um pláss­um sem verð­ur að fullu lok­ið í maí nk.

Þeg­ar ákvörð­un bæj­ar­stjórn­ar um fjölg­un plássa lá fyr­ir hófst vinna við mót­un fag­legr­ar fram­tíð­ar­sýn fyr­ir vist­un ungra barna í Mos­fells­bæ. Að þeirri stefnu­mörk­un komu starfs­menn fræðslu- og frí­stunda­sviðs ásamt stjórn­end­um leik­skóla. Skoð­að­ir voru tveir kost­ir, að setja á stofn ung­barna­deild­ir við alla leik­skóla eða stofna sér­stak­an ung­barna­leik­skóla sem sér­hæfði sig í umönn­un og kennslu ungra barna. Það var fag­legt mat starfs­manna fræðslu- og frí­stunda­sviðs og leik­skóla­stjórn­enda að stofna sér­stak­an ung­barna­leik­skóli en jafn­framt að halda áfram með ung­barna­deild­ina í Huldu­bergi. Sú til­lag­an var sam­þykkt í bæj­ar­stjórn að und­an­geng­inni um­fjöllun í fræðslu­nefnd. Leik­skól­inn Hlíð varð fyr­ir val­inu sem ung­barna­leik­skóli og unn­ið verð­ur að­lög­un starf­sem­inn­ar að nýju hlut­verki á næstu miss­er­um í sam­st­arf við for­eldra og starfs­fólk.