Sigurgleðin er enn áþreifanleg í Mosfellsbæ eftir að meistaraflokkur karla í handbolta varð bikarmeistari á laugardaginn í annað sinn í sögu Aftureldingar.
Liðið sem varð síðast bikarmeistari árið 1999 tók við bikarnum í Laugardalshöll fyrir framan ótrúlega þéttan stuðningshóp sem stendur við bakið á þessum flottu leikmönnum.
Bæjaryfirvöld og Afturelding tóku á móti sigurliðinu og stuðningsmönnum í Hlégarði um kvöldið og voru öll velkomin þangað. Húsið var fullt og fögnuðurinn mikill þegar leikmenn mættu með bikarinn í hús.
Það er mikil vinna sem liggur bakvið árangur sem þennan og margir sem eiga heiður skilið; liðið, þjálfarar, stjórn handknattleiksdeildar, stjórn Aftureldingar, styrktaraðilar ásamt öllum sjálfboðaliðum og stuðningsfólki.
Kjörnir fulltrúar og starfsfólk Mosfellsbæjar óska strákunum okkar enn og aftur til hamingju með bikarmeistaratitillinn.
Áfram Afturelding!
Ljósmyndari: Raggi Óla
Tengt efni
Afturelding bikarmeistari kvenna í blaki
Það var mikil stemming og fullt hús í Digranesi á laugardaginn þegar kvennalið Aftureldingar í blaki mætti Íslands- og bikarmeisturum KA í úrslitaleik í Kjörísbikarnum.
Guðrún Kristín Einarsdóttir Íþróttaeldhugi ársins 2023
Mosfellingur tvöfaldur heimsmeistari
Benedikt Ólafsson 19 ára Mosfellingur var valinn úr stórum hópi Landsliðs Íslands í hestaíþróttum til að taka þátt í Heimsmeistaramóti íslenska hestsins sem fram fór í Hollandi í sumar.
