Mosfellsbær í samvinnu við Hönnunarmiðstöð Íslands efndi til samkeppni um hönnun á nýju aðkomutákni til að marka þrjár aðkomur að Mosfellsbæ og bárust alls 34 tillögur um aðkomutákn.
Aðkomutákninu er ætlað að vekja athygli á Mosfellsbæ og er stefnt að því að vígja það í ágúst 2018.
Þann 18. apríl síðast liðinn kom dómnefndin saman, í henni sitja tilnefndir af Mosfellsbæ Hreiðar Örn Zoëga Stefánsson, formaður menningamálanefndar og Rafn Hafberg Guðlaugsson sem situr í menningamálanefnd. Tilnefnd af Hönnunarmiðstöð Íslands sitja í nefndinni þau Inga Rut Gylfadóttir, landslagsarkitekt, Ólafur Óskar Axelsson hjá VA arkitektum og Birna Geirfinnsdóttir, grafískur hönnuður.
Dómnefndin hefur lokið sínum störfum og valið úr þeim tillögum sem bárust.
Vinningstillagan og aðrar tillögur verða kynntar í Hlégarði kl. 17.00 þann 3. maí og gefst bæjarbúum þá kostur á að kynna sér þær.
Eftir að vinningstillagan hefur verið kynnt hefst vinna með vinningshafa við útfærslu hugmyndarinnar, vinna við teikningar, framleiðsla aðkomutáknsins og undirbúningur þess að marka aðkomutáknum endanlega staðsetningu.
Dómnefndin að störfum.
Tengt efni
Skapandi umræður á opnum fundi um menningarmál
Um 60 manns tóku þátt í opnum fundi menningar- og lýðræðisnefndar um rými fyrir sköpun og miðlun menningar í Mosfellsbæ sem haldinn var í Hlégarði 28. nóvember.
Sköpum rými
Opinn fundur menningar- og lýðræðisnefndar um rými fyrir sköpun og miðlun menningar í Mosfellsbæ verður haldinn í Hlégarði þriðjudaginn 28. nóvember.
Barnadjasshátíð í Mosfellsbæ sú fyrsta sinnar tegundar
Dagana 22.-25. júní verður hátíðin Barnadjass í Mosó haldin í fyrsta skipti.
