Tillaga að tveimur byggingarreitum á lóðinni, annar fyrir íbúðarhús, bílskúr og vinnustofu, hinn fyrir gripahús. Athugasemdafrestur til 7. maí 2010
Mosfellsbær auglýsir hér með skv. 25. gr. skipulags- og byggingarlaga nr. 73/1997 tillögu að deiliskipulagi Varmalands 2 í Mosfellsdal, l.nr. 123810. Skipulagssvæðið er um 4.000 m2 og á því eru nú íbúðarhús og hesthús. Í tillögunni eru skilgreindir tveir byggingarreitir, annar fyrir íbúðarhús, bílskúr og vinnustofu og hinn fyrir gripahús. Hámarksnýtingarhlutfall er sett 0,15.
Athugasemdir þurfa að vera skriflegar og skal senda þær til skipulags- og byggingarnefndar Mosfellsbæjar eigi síðar en 7. maí 2010. Hver sá sem ekki gerir athugasemd við auglýsta tillögu innan þessa frests telst vera henni samþykkur.
22. mars 2010,
Skipulagsfulltrúi Mosfellsbæjar
Tengt efni
Grenndarkynning á umsókn um byggingarleyfi – Grenibyggð 2
Á afgreiðslufundi Skipulagsfulltrúa Mosfellsbæjar þann 6. nóvember sl. var samþykkt að grenndarkynna skv. 1. og 2. mgr. 44. gr. skipulagslaga nr. 123/2010, umsókn eigenda Grenibyggðar 2, Mosfellsbæ.
Grenndarkynning á umsókn um byggingarleyfi – Markholt 13
Grenndarkynning – Tillaga að deiliskipulagsbreytingu, Sveinsstaðir L125058