Leik­skól­inn Hlað­hamr­ar starf­ar í anda Regg­io stefn­unn­ar. Hún er að upp­runa frá borg í Norð­ur-Ítalíu sem nefn­ist Regg­io Em­ilia. Frum­kvöðull þess­ar­ar stefnu hét Lor­is Malag­uzzi. Hann sagði að börn hafi 100 mál en frá þeim séu tekin 99, að börn væru skap­andi ein­stak­ling­ar sem búa þarf um­hverfi sem hvet­ur þau til náms. Barn­ið lær­ir með því að kanna, fást við og upp­lifa. Til þess að nálg­ast þessa hug­mynda­fræði er leik­skól­inn Hlað­hamr­ar vel bú­inn efni­viði og að­stöðu s.s. rúm­góð­um og björt­um lista­skála. Mik­ið er not­að­ur verð­laus efni­við­ur til mynd­list­ar og sköp­un­ar.

Starfs­ár­inu er skipt í ákveð­in þema­tíma­bil með ákveð­inni yf­ir­skrift sem þó er ekki bind­andi því fyrst og fremst er far­ið eft­ir áhuga­sviði barn­anna hverju sinni. Börn­in eru hvött til að rann­saka og skoða frá öll­um sjón­ar­horn­um.

Sér­stök áhersla er lögð á gæði í sam­skipt­um með að­aláherslu á virð­ingu, vináttu og kær­leik og svo skap­andi starf þar sem tek­ið er til­lit til löng­un­ar barns­ins hér og nú og þeim bú­inn skap­andi efni­við­ur og að­stæð­ur í máli og myndíð, til leikja sem og í öðru starfi.

Með þessu telj­um við að barn­ið verði skap­andi og frjór ein­stak­ling­ur með hæfni til að velja og hafna í fram­tíð­inni og takast á við form­legra nám síð­ar meir.

• Að barn­inu líði vel í leik­skól­an­um.
• Að mæta börn­un­um á jafn­rétt­is­grund­velli og á þeirra for­send­um því þau eru ólík­ir ein­stak­ling­ar með mis­jafn­ar þarf­ir.
• Að skapa upp­byggi­legt um­hverfi og að­stæð­ur sem virkja þau til að takast á við verk­efni við þeirra hæfi, því öll eru þau sterk­ir ein­stak­ling­ar sem hafa mik­ið fram að færa.
• Að leggja áherslu á skap­andi starf þar sem tek­ið er til­lit til löng­un­ar barns­ins hér og nú og því bú­inn skap­andi efni­við­ur. Með þessu telj­um við að barn­ið verði skap­andi og frjór ein­stak­ling­ur sem er fær um að takast á við áskor­an­ir dag­legs lífs.
• Að áhersla sé á gæði í sam­skipt­um til að geta til­einkað sér virð­ingu, vináttu og kær­leik, sjálf­um sér, öðr­um og um­hverf­inu til handa.

Auk þess tök­um við mið af gild­um Mos­fells­bæj­ar sem eru:

• Virð­ing
• Já­kvæðni
• Fram­sækni
• Um­hyggja

Hagi

Katrín Ösp Hall­dórs­dótt­ir og Agnes Geirs­dótt­ir
hagi@mos.is

Höfði

Dóra G. Wild og Pim­per­nel Wern­as
hofdi@mos.is
dorawild@mos.is

Sandra Sif Guð­finns­dótt­ir
skjol@mos.is

Tengi­lið­ur far­sæld­ar barna á Hlað­hömr­um.

Á hverri deild er til svo­kall­að­ur af­mæliskassi. Í hon­um leyn­ist ým­is­legt skemmti­legt svo sem skemmti­leg­ir myndskreytt­ir mat­ar­disk­ar sem börn­in velja sér til að borða af í mat­ar­tím­um, skikkj­ur og fleira. Börn­in fá að að­stoða við að leggja á borð­ið og bjóða börn­un­um að gjöra svo vel að byrja að borða og fleira í þeim dúr. Þau búa sér til kór­ónu, fá að hafa ís­lenska fán­ann hjá sér og all­ir syngja af­mæl­is­söng­inn fyr­ir af­mæl­is­barn­ið.

Ef um heim­boð í af­mæl­ið að ræða, er þess óskað að það fari ekki í gegn­um leik­skól­ann því það get­ur ver­ið erfitt fyr­ir þau börn sem ekki fá boð­skort. Hins veg­ar er for­eldr­um vel­kom­ið að fá deild­arlista með síma­núm­er­um barn­anna á við­kom­andi deild.

Þeg­ar barn byrj­ar í leik­skóla er mik­il­vægt að það ger­ist smám sam­an svo barn­ið verði ör­uggt í nýju um­hverfi og njóti sín sem best. Barn­ið þarf að kynn­ast nýj­um að­stæð­um, nýj­um full­orðn­um og nýj­um börn­um. Á að­lög­un­ar­tím­an­um eykst ör­yggi barns­ins smám sam­an og það verð­ur til­bún­ara til að vera með í leik­skóla­hópn­um. For­eldr­ar þurfa að áætla sér u.þ.b. viku­tíma í að­lög­un barns­ins. Að­lög­un­ar­tím­inn gef­ur for­eldr­um og starfs­fólki gott tæki­færi til að kynn­ast. Enn­frem­ur gef­ur hann for­eldr­um mögu­leika á að átta sig á starfs­hátt­um leik­skól­ans. Mik­il­vægt er að fað­ir eða móð­ir séu með barni sínu fyrstu dag­ana.

Mik­il­vægt er að barn­ið kom­ið með úti­föt og auka­föt á leik­skól­ann.

Úti­föt:

• pollagalli
• stíg­vél
• þykk peysa (flí­speysa)
• ull­ar­sokk­ar
• húfa
• vett­ling­ar

Auka­föt:

• nær­föt
• sokk­ar
• sokka­bux­ur
• bux­ur
• peysa
• auka vett­ling­ar og húfa

Við ósk­um eft­ir að fatn­að­ur barn­anna fari heim dag hvern af m.a. hrein­læt­is­ástæð­um.

Skipu­lögð for­eldra­við­töl eru tvö á hverju starfs­ári. Við upp­haf leik­skóla­göngu og síð­an í jan./feb. Einn­ig geta for­eldr­ar óskað eft­ir við­töl­um við deild­ar­stjóra og/eða leik­skóla­stjóra að vild.

Á hverju hausti er hald­inn stór, op­inn for­eldra­fund­ur fyr­ir for­eldra allra barna leik­skól­ans. Þar eru fróð­leiks­mol­ar fyr­ir for­eldra og far­ið í saum­ana á starf­semi kom­andi vetr­ar.

Öll börn­in í leik­skól­an­um eiga eina skúffu á deild­inni merkta sér. Þar fá þau að geyma per­sónu­lega muni að heim­an og höf­um við haft það fyr­ir sið að þau komi með lít­ið mynda­al­búm að heim­an með mynd­um af fjöl­skyld­unni, vin­um og öðr­um sem tengjast barn­inu.

Börn­in mega koma með leik­föng að heim­an þeg­ar þau hafa þörf fyr­ir og á það sér­stak­lega við um yngstu börn­in. Varð­andi börn­in á eldri deild­un­um er gert ráð fyr­ir að þessi þörf sé ekki eins mik­il en get­ur þó ver­ið til stað­ar ein­staka sinn­um.

Þær regl­ur sem leik­skól­inn set­ur eru:

• Koma má með eitt leik­fang (ekki fyr­ir­ferða­mik­ið)
• Leik­fang­ið má ekki stuðla að stríðs­leikj­um, s.s. sverð, hníf­ar, stríðs­kall­ar o.þ.h.
• Börn­in setja leik­fang­ið í hólfið/skúff­una þeg­ar skipu­lag deild­ar­inn­ar krefst þess.
• Ekki er tekin ábyrgð á leik­föng­um barn­anna.

Mik­il­vægt er að barn sé klætt í sam­ræmi við veð­ur­far og að það hafi við­eig­andi aukafatn­að með­ferð­is. Eins get­ur starf­semi deild­ar­inn­ar gert það að verk­um að skipta þurfi um föt, t.d. ef barn hell­ir nið­ur, fær á sig máln­ingu eða er í vatns­leikj­um.

Dæmi nauð­syn­leg­an fatn­að:

• Nær­föt, sokk­ar, bol­ur, peysa og bux­ur
• Regn­föt og stíg­vél ef veð­ur­far er breyti­legt
• Húfa, vett­ling­ar, ull­ar­sokk­ar

Allt dót og all­ur fatn­að­ur sem börn­in koma með að heim­an þarf að vera hreinn og vel merkt­ur.

Einn­ig vilj­um við benda for­eldr­um á að fylgjast reglu­lega með óskilamun­um á við­kom­andi deild.

Af hrein­læt­is ástæð­um þarf að taka tösku og fatn­að barns­ins heim í lok hvers dags.

Börn­um eru ekki gef­in lyf í leik­skól­an­um.

Beri brýna nauð­syn til lyfja­gjaf­ar vegna sér­stakra ástæðna barns skal hafa sam­ráð um það við leik­skóla­stjóra og deild­ar­stjóra á deild barns­ins.

Skipu­lags­dag­ar eru 4 á hverju starfs­ári leik­skóla. Leik­skól­inn er lok­að­ur þá daga. Sam­st­arf er milli leik- og grunn­skóla um þessa daga.

Or­lofs­tíma­bil leik­skól­anna í Mos­fells­bæ er frá 15. maí til 31. ág­úst. Velja þarf fjór­ar vik­ur, 20 virka daga sam­fellt, inn­an þess tíma­bils.

Ákveð­ið er frá ári til árs hvern­ig sum­ar­þjón­ustu skuli vera háttað.

Leik­skól­inn get­ur ekki tek­ið á móti veik­um og/eða vansvefta börn­um. Ef grun­ur leik­ur á að barn sé að veikjast eða beri smit á barn­ið ekki að mæta í leik­skól­ann. Nauð­syn­legt er að barn­ið jafni sig vel af veik­ind­um sín­um heima og mæti aft­ur frískt í leik­skól­ann svo það geti tek­ið þátt í allri dag­legri starf­semi leik­skól­ans úti sem inni.

Ef barn veikist eða slasast í leik­skól­an­um ber starfs­fólki að láta for­eldra vita, sem sækja þá barn­ið sitt eins fljótt og kost­ur er.

Mik­il­vægt er að for­eldr­ar hugi vel að ör­yggi barna sinna og fylgi þeim ætíð í leik­skól­ann. Nauð­syn­legt er að til­kynna starfs­fólki á deild barns­ins þeg­ar það er kom­ið og eins þeg­ar barn­ið fer heim. Ekki er heim­ilt að senda börn und­ir 12 ára aldri að sækja leik­skóla­barn­ið. Ef ein­hver ann­ar en for­eldri sæk­ir barn­ið þarf að láta vita sér­stak­lega sam­dæg­urs.