Sviðið fer með fræðslu- og frístundamál. Undir sviðið heyra leik- og grunnskólar bæjarins, dagforeldrar, Listaskóli Mosfellsbæjar, félagsmiðstöð og Ungmennahús.
Málaflokkar
- Dagforeldrar
- Leikskólar
- Grunnskólar
- Félagsmiðstöðvar og ungmennahús
- Listaskóli Mosfellsbæjar (tónlistarskóli, skólahljómsveit, myndlistarskóli og leikfélag)
- Samstarf við Framhaldsskóla Mosfellsbæjar
Starfsfólk
Klörusjóður
Markmið Klörusjóðs er að stuðla að framþróun á skóla- og frístundastarfi í Mosfellsbæ. Sjóðurinn er ætlaður til að styrkja verkefni sem unnin eru í einstökum skólum eða í samstarfi á milli skóla.
Veittir eru styrkir einu sinni á ári úr sjóðnum. Heildarframlag sjóðsins árið 2025 eru þrjár og hálf milljón og í ár var ákveðið að áhersluatriði umsóknar verði með vísan í Börnin okkar, aðgerðaráætlun Mosfellsbæjar sem snýr að bættu umhverfi í þágu barna- og unglinga.
Í nýsköpunar- og þróunarsjóðinn geta sótt einstaka kennarar, kennarahópar, aðrir fagaðilar sem starfa við skóla/frístund í Mosfellsbæ, einn skóli eða fleiri skólar/fagaðilar í sameiningu sem og fræðslu- og frístundasvið í samstarfi við skóla.
Sótt er um á Mínum síðum Mosfellsbæjar. Umsóknarfrestur er til 25. apríl 2025.
Klara Klængsdóttir (1920-2011)
Nafn sjóðsins er Klörusjóður, til heiðurs Klöru Klængsdóttur (1920-2011). Klara útskrifaðist frá Kennaraskóla Íslands árið 1939 og hóf sama ár kennslu við Brúarlandsskóla. Hún starfaði alla sína starfsævi sem kennari í Mosfellsbæ.
Í tilefni 100 ára afmælis kosningarréttar kvenna á Íslandi 2015 tóku Bókasafn Mosfellsbæjar og Héraðsskjalasafn Mosfellsbæjar höndum saman og kynntu mánaðarlega konu eða konur sem flestar áttu tengingar við Mosfellssveit. Kona marsmánaðar, var Klara Klængsdóttir, kennari og sundkona.