All­ar und­ir­stofn­an­ir Lista­skól­ans nema tón­list­ar­deild­in eru rekn­ar sem sjálf­stæð­ar ein­ing­ar og gerð­ir hafa ver­ið sam­starfs­samn­ing­ar á milli Lista­skól­ans og Skóla­hljóm­sveit­ar Mos­fells­bæj­ar, Mynd­list­ar­skóla Mos­fells­bæj­ar og Leik­fé­lags Mos­fells­sveit­ar.

Markmið Lista­skól­ans er að sam­þætta starf­semi þess­ara stofn­ana og að tryggja tengsl milli þeirra. Þá er lögð áhersla á að flétta sam­an starf­semi Lista­skól­ans við grunn- og leik­skóla bæj­ar­ins.

Hlut­verk Lista­skól­ans er einn­ig að auka tengsl við að­ila utan stofn­ana bæj­ar­ins, ekki síst starf­andi lista­menn. Það má því segja að Lista­skóli Mos­fells­bæj­ar sé regn­hlíf yfir fjöl­breytta list­a­starf­semi í Mos­fells­bæ.

Lista­skóli Mos­fells­bæj­ar er rek­inn og studd­ur af sveit­ar­fé­lag­inu. Fræðslu­nefnd fer með mál­efni Lista­skól­ans í um­boði bæj­ar­stjórn­ar.

• Hljóð­færa­nám, klass­ískt og ryt­mískt
• Söngnám, klass­ískt og ryt­mískt
• Suzuki nám á fiðlu, gít­ar og selló
• For­skóli sem er und­ir­bún­ings­deild fyr­ir hljóð­færa­nám
• Tón­fræð­anám skv. klass­ískri og ryt­mískri námskrá

Al­mennt fer hljóð­færa­kennsl­an þann­ig fram, að yngri nem­end­ur mæta 2x í viku í – 10 ára og yngri í 2×20 mín­út­ur og 11 ára og eldri í 2×30 mín­útna einka­tíma. Oft koma þó lengra komn­ir eða eldri nem­end­ur í klukku­tíma í einu viku­lega. Frá 11-12 ára aldri mæta nem­end­ur tón­fræði 1x í viku.

Sum­ir sækja um að kom­ast í hálft nám og er þá einka­tím­inn 1×30 mín. á viku. Ekki er mælt sér­stak­lega með því nema ef t.d. nem­andi í fullu námi bæt­ir við sig auka­hljóð­færi í hálfu námi.

Þeg­ar nem­end­ur eru komn­ir nokk­uð á skrið á sín hljóð­færi bæt­ast við, í flest­um til­fell­um, ým­iss sam­spils­verk­efni, fram­koma á tón­leik­um og eitt og ann­að.

Unn­ið er eft­ir að­al­námskrá tón­list­ar­skóla út­gef­inni af mennta­mála­ráðu­neyt­inu. Tekin eru grunn­próf, mið­próf og að lok­um fram­halds­próf.

Boð­ið er upp á kennslu á heil­mörg hljóð­færi við en kennt er í tveim­ur deild­um, klass­ískri deild og ryt­mískri deild.

Hljóð­færa­nám við klass­ísku deild­ina:

• Blokk­flauta
• Fiðlu­leik­ur – bæði er í boði hefð­bund­ið nám á fiðlu sem og Suzukinám
• Gít­ar – bæði er í boði hefð­bund­ið nám í gít­ar­leik sem og Suzukinám
• Harmonika
• Klar­in­ett
• Pí­anó
• Óbó
• Saxó­fónn
• Selló – bæði er í boði hefð­bund­ið nám í selló­leik sem og Suzukinám
• Ein­söng­ur og ung­deild í söng sem ætluð er 8-12 ára börn­um
• Þverf­lauta

Hljóð­færa­nám við ryt­mísku deild­ina:

• Bassi
• Raf­gít­ar/stál­strengjagít­ar
• Pí­anó (popp/jazz)
• Ryt­mísk­ur söng­ur
• Tromm­ur

Þeg­ar nem­end­ur hafa náð ákveð­inni færni er þeim gjarn­an gef­inn kost­ur á að vinna í hljóm­sveit­ar­starfi.

Hægt er að sækja um hljóð­færi, sem ekki eru skráð hér fyr­ir ofan og er þá met­ið hvort grund­völl­ur sé fyr­ir að bæta því hljóð­færi við.

• For­skóli – und­ir­bún­ings­deild fyr­ir hljóð­færa­nám (unn­ið með rythma, skynj­un, sköp­un, skóla­hljóð­færi, blokk­flautu o.fl.)
• Raf­tónlist – Nem­end­ur læra að nýta sér ýmsa tækni ss. tölv­ur/ipada/öpp ofl. til tón­sköp­un­ar og laga­gerð­ar
• Ryt­mísk hljóm­fræði á mið­stigi
• Sam­söngs­tím­ar eru í boði fyr­ir söng­nem­end­ur
• Strengja­sveit­ir eða ým­is­kon­ar sam­leik­ur er í boði og get­ur far­ið eft­ir færni nem­enda­hópa hverju sinni
• Tón­fræði­grein­ar eru kennd­ar á öll­um stig­um náms við skól­ann en fram­boð í fram­halds­deild get­ur far­ið eft­ir fjölda nem­enda hverju sinni

Hefð­bund­ið söngnám geta nem­end­ur haf­ið frá 13 ára aldri. Ung­deild í söng und­ir­býr nem­end­ur fyr­ir hefð­bund­ið söngnám og er hugsað fyr­ir 8-12 ára.

Heilt nám í söng er 60 mín. einka­tími á viku. Með­leik­ur er í boði þeg­ar nem­end­ur eru komn­ir áleið­is í námi og eru þeir tím­ar mis­mun­andi lang­ir eft­ir því hvort um ræð­ir grunn-, mið-, eða fram­halds­nám. Að auki er í boði sam­söngs­tími sem er einu sinni í viku.

Vana­lega hefja nem­end­ur al­mennt söngnám, en velja sér svo klass­íska eða ryt­míska deild áður en grunn­próf er tek­ið.

Tón­fræði­kennsla á grunn- og mið­stigi sam­an­stend­ur af nokkr­um þátt­um; tón­fræði, tón­heyrn, hlust­un og tón­list­ar­sögu.

Tón­fræð­in er mjög mik­il­væg­ur hluti af hljóð­færa- og söngnámi. Mið­að er við að nem­end­ur hefji tón­fræðinám um 12 ára ald­ur­inn en er vel­kom­ið að byrja fyrr ef þeir hafa lært á hljóð­færi í amk 2-3 ár og hafa náð grunn- skiln­ingi og færni á sitt hljóð­færi.

Nauð­syn­legt er að standast til­heyr­andi tón­fræði­próf til að ljúka full­gild­um áfanga­próf­um (grunn­námi, mið­námi og fram­halds­námi) í hljóð­færa­leik og söng.

Tón­fræðinám til grunn­prófs tek­ur tvö ár við Lista­skól­ann en eldri nem­end­um gefst kost­ur á svo­köll­uð­um hrað­áfanga og eiga þess kost að ljúka grunn­námi í tón­fræði á einu ári. Mið­nám í tón­fræði tek­ur alltaf tvö ár.

Fram­halds­nám í tón­fræði er einn­ig kennt við Lista­skól­ann ef lág­marks­fjöldi nem­enda er til stað­ar. Tón­fræði­grein­ar í fram­halds­námi eru sér­grein­ar sem eru hljóm­fræði, tón­list­ar­saga og tón­heyrn og hver áfangi er tveggja ára nám. Auk þess er valáfangi einn vet­ur.

Tón­fræðinám er gjald­frjálst fyr­ir þá nem­end­ur Lista­skól­ans sem eru í hljóð­færa- eða söngnámi við skól­ann.

Mik­il­væg­ur hluti af námi tón­list­ar­skóla­nema er að koma fram á tón­leik­um.

Á veg­um Tón­list­ar­deild­ar­inn­ar fer fram fjöldi tón­leika á hverj­um vetri. Allt frá litl­um tón­leik­um, þar sem nem­end­ur hvers kenn­ara koma sam­an og spila fyr­ir hvorn ann­an og uppí stærri tón­leika t.d. í Lista­sal Mos­fells­bæj­ar. Einn­ig er spilað á ýms­um stöð­um við hin ýmsu tæki­færi.

Ár­lega er opin vika, þar sem skóla­starf­ið er brot­ið upp og spilað er víðs­veg­ar um bæ­inn.

Kennsla fer fram eft­ir skóla­tíma barn­anna (eft­ir kl. 13:30) og inn­an hús­næð­is grunn­skól­anna. Boð­ið er upp á for­skóla­kennslu í öll­um grunn­skól­um Mos­fells­bæj­ar.

For­skól­inn skipt­ist í tvær deild­ir, For­skóla 1 (6-7 ára börn) og For­skóla 2 (7-8 ára börn) og kennt er í litl­um hóp­um, hámark 8 börn í hóp. Kennt er 1x í viku og er hver kennslu­st­und 50 mín­út­ur.

Markmið for­skóla­náms er:

• að vekja áhuga nem­enda á fjöl­breyttri tónlist og hljóð­fær­um
• að veita nem­end­um grunn­þjálf­un í grunn­atrið­um tón­list­ar og tón­fræði
• að búa nem­end­ur sem best und­ir hljóð­færa­nám

For­skóla­nám er sam­þætt byrj­enda­nám í tón­list­ar­sköp­un og tón­fræða­grein­um þann­ig að grunn­þjálf­un nem­enda er al­hliða. Nem­end­ur kynn­ast tón­list­inni í gegn­um söng, leik, hreyf­ingu og hryn­þjálf­un með og án hljóð­færa. Einn­ig er kennd­ur grunn­ur í blokk­flautu sem og hin ýmsu skóla­hljóð­færi not­uð til að skapa tónlist og læra að spila sam­an. Blokk­flaut­an er hand­hægt hljóð­færi til að vinna með heima og til að læra fyrstu skref­in við að leika lag og skilja upp­bygg­ingu þess. Nem­end­ur læra líka grunnupp­bygg­ingu nótna­kerf­is­ins og nótn­a­strengs­ins, þau læra að koma fram á tón­leik­um, fá hljóð­færa­kynn­ing­ar og margt og mik­ið fleira.

Ætlast er til að nem­end­ur æfi sig sam­visku­sam­lega heima á blokk­flaut­una og það er afar mik­il­vægt að for­eldr­ar hvetji börn sín áfram og sýni nám­inu áhuga.

Út­gef­ið náms­efni fyr­ir for­skóla er af mjög skorn­um skammti. Því leita for­skóla­kenn­ar­ar að mestu í eig­in smiðju, ásamt blöndu af að­fengnu kennslu­efni. Í blokk­flautu­kennsl­unni er not­ast við efn­ið „Tutt­ugu töffar­ar“ sem nem­end­ur þurfa að eign­ast og sem og sína eig­in blokk­flautu.

Náms­mat er á formi símats að teknu til­liti til hæfni­við­miða.

Pí­anónám­ið fer fram í einka­tím­um, ým­ist einu sinni (hálft nám) eða tvisvar (heilt nám) í viku. Reynsl­an hef­ur sýnt að mun betra er að nem­andi hitti kenn­ara sinn tvisvar í viku þar sem ut­an­um­hald verð­ur þann­ig miklu betra, sér­stak­lega fyr­ir byrj­end­ur og unga nem­end­ur.

Til að ná ár­angri á hljóð­færi er nauð­syn­legt að nem­andinn hafi góð­an að­g­ang að því og æfi sig reglu­lega heima fyr­ir. Best er fyr­ir pí­anónem­end­ur að geta æft á „al­vöru“ pí­anó en sé það ekki til stað­ar eru líka í boði ýmis raf­magns­hljóð­færi. Mik­il­vægt er að ráð­færa sig við kenn­ara eða ann­að fag­fólk þeg­ar kem­ur að hljóð­færa­kaup­um þar sem pí­anó og hljóm­borð geta ver­ið mjög misjöfn. Gæta þarf vel að því að þyngd áslátt­ar raf­magns­hljóð­færa sé sam­bæri­leg pí­anóá­slætti og mjög mik­il­vægt er að nót­ur hljóm­borðs/raf­magn­spí­anós séu jafn stór­ar (breið­ar) og nót­ur pí­anós.

Kennt er á eft­ir­far­andi hljóð­fær auk söngs:

• Raf­gít­ar
• Raf­bassa
• Kontrabassa
• Tromm­u­sett
• Pí­anó
• Söng
• Hljóm­sveit­ar­starf

Hljóm­sveit­ar­starf ryt­mísku deild­ar­inn­ar er frá­bær vett­fang­ur fyr­ir nem­end­ur til þess að kynn­ast öðr­um nem­end­um skól­ans, ásamt því að öðl­ast færni í sam­spili, hlust­un og sköp­un. Nem­end­ur geta val­ið um hálft eða heilt nám og þeg­ar þeir hafa náð ákveð­inni færni á hljóð­færi sín eða í radd­beit­ingu, býðst þeim að kom­ast í hljóm­sveit­ar­starf og er rað­að í sam­spils­hópa.

Suzukinám er hljóð­færa­nám sem bygg­ir á móð­ur­máls­að­ferð Dr. Shinichi Suzuki. Helstu ein­kenni þess­ar­ar kennslu­að­ferð­ar eru:

• Börn­in geta byrj­að ung eða um þriggja til fimm ára.
• Börn­in læra eft­ir eyra með stöð­ugri hlust­un á náms­efn­ið
• Nótna­lest­ur bæt­ist við síð­ar
• For­eldr­ar fylgja með í alla tíma og æfa með börn­un­um heima
• Nám­ið felst bæði í einka­tím­um og hóp­tím­um
• Upp­rifj­un er snar þátt­ur í nám­inu

Ým­is­legt fleira má nefna, t.d. já­kvætt hug­ar­f­ar og hvatn­ing, börn­in eru lát­in koma fram á tón­leik­um mjög snemma, for­eldra­fræðsla í byrj­un, ein­beit­ing að einu at­riði í einu, leik­ur og gam­an­semi, herm­inám frem­ur en út­skýr­ing­ar

Til strengja­hljóð­færa teljast fiðl­ur, lág­f­iðl­ur (víól­ur), selló og kontrabass­ar.

Í strengja­deild er bæði er kennt eft­ir Suzuki kennslu­að­ferð­inni sem og kennt í hefð­bundn­um einka­tím­um. Í Suzuki að­ferð­inni er hlut­verk for­eldra mjög veiga­mik­ið en þeir fá grunn­þjálf­un á hljóð­fær­ið, taka þátt í kennslu­stund­un­um og leið­beina börn­um heima við.

Skól­inn leig­ir út hljóð­færi í þeirri stærð sem hent­ar börn­un­um, þang­að til að nem­andinn þarf fulla stærð, en nem­end­ur bera sjálf­ir kostað af strengj­um og axlar­púð­um.

Nem­end­ur taka þátt í hljóm­sveit­ar­starfi og öðr­um sam­spils­verk­efn­um þeg­ar þeir hafa ald­ur og þroska til.

Stuðn­ing­ur heima fyr­ir er nauð­syn­leg­ur í tón­list­ar­nám­inu og skipt­ir mjög miklu máli að æfa heima, helst dag­lega en lengd æf­inga­tíma er í sam­ráði við kenn­ara. Nem­andinn þarf að geta æft sig í ró og næði. Gert er ráð fyr­ir að nem­andi þurfi að eign­ast nót­ur og nótn­astand.

Þrenns­kon­ar áhersl­ur eru í söng­kennslu. Boð­ið er upp á nám í klass­ísk­um söng og ryt­mísk­um (popp/jazz) söng. Einn­ig er sér­stök deild fyr­ir unga söng­nem­end­ur sem kallast ung­deild.

Í ung­deild er veitt grunn­leið­sögn í söng­tækni fyr­ir 8-12 ára börn. Veitt er leið­sögn í fram­sögn og fram­komu og 2-3 nem­end­ur eru sam­an í hóp. Kennt er einu sinni í viku og geng­ið út frá því að hver nem­andi eigi 20 mín­út­ur, þann­ig að ef nem­end­ur eru tveir er tím­inn í 40 mín­út­ur og ef þeir eru þrír er kennslu­stund­in í 60 mín­útúr. Ein­staka sinn­um get­ur kenn­ari þó ákveð­ið að hafa nem­andann ekki í hóp­tíma held­ur kæmi hann þá í einka­tíma. Und­ir­leik­ari er með í kennslu­st­und aðra hvora viku.

Í klass­ískri söng­deild er áhersla lögð á að ná tök­um á góðri og heil­brigðri radd­beit­ingu ásamt túlk­un og fram­komu. Hægt er að velja um hálf­tíma- eða klukku­tíma einka­tíma á viku og er geng­ið út frá því að nem­andi sé að minnskta kosti 13 ára gam­all. Nem­end­ur fá einn­ig val um und­ir­leiks­tíma hjá und­ir­leik­ara í söng­deild og er mis­jafnt eft­ir hvar nem­andinn er stadd­ur í námi sínu hversu lang­ur und­ir­leiks­tími er í boði. Sam­söngs­tím­ar eru einu sinni í viku og tón­fræði sem hlið­ar­grein er einn­ig mik­il­væg­ur part­ur af nám­inu.

Í ryt­mísku söngnámi er mark­mið­ið að kenna nem­end­um heil­brigða radd­tækni, túlk­un, fram­komu og tækni við að syngja í míkra­fón. Val er um 30 eða 60 mín­útna einka­tíma á viku og eru und­ir­leiks­tím­ar einn­ig í boði fyr­ir þá nem­end­ur sem eru að­eins komn­ir áleið­is í nám­inu, ásamt tón­fræði, viku­leg­um sam­söngs­tím­um og mögu­lega þátt­töku í ryt­mísk­um sam­spil­um.