Mosfellsbær vinnur að byggingu leik- og grunnskóla í Helgafellshverfi í Mosfellsbæ við Gerplustræti 14.
Lóð Helgafellsskóla í þessu útboði er um 7.800m² að stærð. Lóðinni má skipta í 2 svæði, annars vegar aðkomu að skólanum norðan megin og svo leiksvæði fyrir yngri deildir grunnskólans. Framkvæmdir standa yfir við fullnaðarfrágang skólabyggingar.
Helstu verkþættir eru:
Landmótun á vestursvæði milli aðkomu og miðjusvæðis frá inngangi skólans að bílastæðum á sunnanverðri lóð. Yfirborðsfrágangur er að mestu malbikaður með hellulögðum upphituðum stígum, tröppueiningar, hlaðna grjótkanta (um 95m²) með gróðurbeðum á milli, stórt gróðurbeð (um 266m²) með trjám og runnum og grassvæði (um 155m²). Fráveitulagnir frá byggingu og af lóð, steyptir stoðveggir og raflýsing.
Helstu magntölur eru:
- Malbik – 2.400m²
- Hellulögn – 1.900m²
- Pallur – 250m
- Battavöllur -640m²
- Gras – 1.116m²
- Gróðurbeð – 1.110m²
- Trjá og runnagróður – 852stk
- Holtagrjóthleðslur – 350m²
- Gúmmí yfirborð – 220m²
- Snjóbræðslulagnir – 290m²
- Brunnar – 2stk
- Fráveitulagnir – 180m
- Steypumót – 260m²
- Jarðstrengir – 350m
Búnaður á lóð er meðal annars brettapallur, brettaslá, drumbaleikir, klifur, kollhnísaslá, rennibrautir, róla, stauraleikur og timburbrú.
Verkinu skal að fullu lokið 1. október 2018
Útboðsgögn verða afhent í afgreiðslu bæjarskrifstofu Mosfellsbæjar, Þverholti 2, 2. hæð frá og með kl. 12:00 á þriðjudeginum 13. mars 2018. Tilboðum skal skilað á sama stað, bæjarskrifstofur Mosfellsbæjar, eigi síðar en þriðjudaginn 10. apríl 2018 kl. 11:00 og þau opnuð að viðstöddum þeim bjóðendum sem þess óska.
