Umhverfisviðurkenningar Mosfellsbæjar fyrir árið 2009 voru afhentar á bæjarhátíðinni Í túninu heima um síðustu helgi.
Á hverju ári býðst almenningi að tilnefna þau svæði, garða, götur, fyrirtæki eða einstaklinga sem þeim þykir hafa skarað framúr í umhverfismálum í bæjarfélaginu. Að þessu sinni voru tilnefndir sjö garðar og tvö fyrirtæki.
Eftir mikla yfirlegu og heimsóknir á alla staðina var umhverfisnefnd Mosfellsbæjar sammála um að umhverfisviðurkenningu Mosfellsbæjar skyldu hljóta að þessu sinni:
Bílaverkstæði Sigurbjörns Árnasonar og Réttingaverkstæði Jóns B. fyrir áherslu á umhverfismál og snyrtilegt umhverfi að Flugumýri 2.
Hjónin Margrét Ragnarsdóttir og Sigurður H. Þórólfsson fyrir stílhreinan og fallegan garð að Svöluhöfða 11.
Hólmfríður Díana Magnúsdóttir fyrir fallegan og vel skipulagðan garð að Dalatanga 7 þar sem umhirða gróðurs er til fyrirmyndar.
Allir verðlaunahafar þóttu vel að verðlaununum komnir og fengu að launum vænan blómvönd, skrautritað viðurkenningarskjal ogviðurkenningaskjöld til að festa á hús sitt.
Tengt efni
Umhverfisviðurkenningar Mosfellsbæjar 2023 afhentar á bæjarhátíð
Hátíðardagskrá var í Hlégarði sunnudaginn 27. ágúst í tengslum við bæjarhátíðina Í túninu heima þar sem meðal annars voru veittar umhverfisviðurkenningar.
Umhverfisviðurkenningar Mosfellsbæjar 2023 - Hægt að senda tilnefningar til og með 31. júlí
Umhverfisnefnd óskar eftir tilnefningum til umhverfisviðurkenninga Mosfellsbæjar fyrir árið 2023.
Umhverfisviðurkenningar Mosfellsbæjar 2023
Umhverfisnefnd óskar eftir tilnefningum til umhverfisviðurkenninga Mosfellsbæjar fyrir árið 2023.