Hin árlega þrettándabrenna Mosfellsbæjar verður haldin laugardaginn 9. janúar 2016.
Brennan er stærsti viðburður í bænum á ári hverju þar sem þúsundir gesta leggja leið sína í Mosfellsbæ. Blysför leggur af stað frá miðbæjartorgi kl. 18:00 og haldið að brennunni sem verður á sama stað og árlega, neðan Holtahverfis við Leirvoginn þar sem áramótabrennan var haldin.
Vakin er athygli á að gönguleiðir að brennusvæði hafa allar verið sandaðar en biðjum við fólk um vara sig á hálku utan gönguleiða og á opnum svæðum.
Dagskráin verður vegleg að þessu sinni en fram koma Stormsveitin og Skólahljómsveit Mosfellsbæjar. Álfakóngur og álfadrottning, Grýla, Leppalúða og þeirra hyski verða á svæðinu.
Björgunarsveitin Kyndill verður með glæsilega flugeldasýningu.
