íþrótta- og tómstundanefnd Mosfellsbæjar veitti á dögunum 12 ungmennum styrk til að stunda sína íþrótt, tómstund eða list yfir sumartímann.
Það var langur listi hæfra umsækjenda sem að sótti um, 15 strákar og 8 stúlkur.
Við valið styðst nefndin við reglur sem byggja á vilja Mosfellsbæjar til að koma til móts við ungmenni sem, vegna tómstunda sinna, geta ekki með sama hætti og jafnaldrar þeirra stundað launuð störf. Þessi meginregla auk reglunnar um að jafna beri styrkjum milli kynja, aldurshópa, list- íþrótta- og tómstundagreina er það sem að íþrótta og tómstundarnefnd styðst við þegar að valið er í þennan hóp.
Umsækjendur áttu það allir sameiginlegt að þau langar og þurfa að nota sumartímann til æfinga, koma fram á viðburðum eða vera við keppni.
Þau sem að hlutu styrkinn í ár eru :
- Arnór Breki til að stunda frjálsar íþróttir og fótbolta
- Ágúst Elí Ásgeirsson til að stunda grafíska hönnun, myndlist og kvikmyndagerð
- Áróra Eir Pálsdóttir til að stunda handbolta
- Ásta Margrét Jónsdóttir til að stunda hestamennsku
- Birkir Benediktsson til að stunda handbolta
- Björn Óskar Guðjónsson til að stunda golf
- Brynja Hlíf Hjaltadóttir til að stunda motocross
- Emil Tumi Víglundsson til að stunda götuhjólreiðar
- Magni Þór Pétursson til að stunda grafíska hönnun, myndlist og kvikmyndagerð
- Margrét Dís Stefánsdóttir til að stunda badminton
- Kristín María Þorsteinsdóttir til að stunda golf
- Stefán Ás Ingvarsson til að stunda badminton
Tengt efni
Nýsköpunarstyrkur Mosfellsbæjar afhentur í Hlégarði
Nýsköpunarstyrkur Mosfellsbæjar var afhentur í Hlégarði fimmtudaginn 27. júní.
Styrkir úr Klörusjóði afhentir 12. júní 2024
Miðvikudaginn 12. júní voru afhentir styrkir úr Klörusjóði en markmið sjóðsins er að stuðla að nýsköpun og framþróun í skóla- og frístundastarfi í Mosfellsbæ.
Frumkvöðlar óskast!
Lumar þú á frumlegri hugmynd sem gæti gert gott samfélag enn betra?