Bæjarstjórn Mosfellsbæjar hefur samþykkt í samræmi við 1. mgr. 30. gr. skipulagslaga nr. 123/2010 að kynna skipulagslýsingu fyrir nýtt aðalskipulag sveitarfélagsins.
Bæjarstjórn Mosfellsbæjar hefur samþykkt í samræmi við 1. mgr. 30. gr. skipulagslaga nr. 123/2010 að kynna skipulagslýsingu fyrir nýtt aðalskipulag sveitarfélagsins. Um er að ræða endurskoðun á gildandi aðalskipulagi Mosfellsbæjar 2011-2030 sem tók gildi 03.10.2013.
Lýsingin verður kynnt fyrir hagsmunaaðilum og íbúum sveitarfélagsins. Öllum verður gefið tækifæri til þess að skila inn umsögn eða athugasemd við lýsinguna. Lýsingin kynnir helstu viðfangsefni, forsendur og meginmarkmið væntanlegs aðalskipulags ásamt því að veita upplýsingar um samráðsferil, umsagnaraðila og tímasetningar helstu verkáfanga.
Skipulagslýsingin verður aðgengileg almenningi á vef sveitarfélagsins en einnig á upplýsingatorgi við bókasafnið að Þverholti 2.
Athugasemdum má skila skriflega á bæjarskrifstofur, Þverholti 2, 270 Mosfellsbær, stílað á skipulagsnefnd Mosfellsbæjar eða rafrænt á netfangið skipulag[hja]mos.is. Almennar upplýsingar um bréfritara þurfa að fylgja umsögn.
Frestur til þess að skila inn ábendingum er frá 19. september til og með 23. október 2020.
Skipulagsfulltrúi Mosfellsbæjar
Tengt efni
Fundir skipulagsnefndar vegna aðalskipulags
Í vinnslu og undirbúningi er endurskoðun á aðalskipulagi Mosfellsbæjar 2011-2030.
Rafræn kynning á lýsingu nýs aðalskipulags
Í dag, mánudaginn 12. október, kl. 17:00 verður boðið upp á beint streymi þar sem skipulagfulltrúi Mosfellsbæjar fer yfir efni skipulagslýsingar vegna nýs aðalskipulags.
Nýtt aðalskipulag
Mosfellsbær auglýsti í samræmi við samþykktir bæjarstjórnar lýsingu vegna endurskoðunar aðalskipulags þann 19. september sl.