Í tilefni af samgönguviku í Mosfellsbæ hefur verið sett á vef bæjarins nýtt kort fyrir Mosfellsbæ þar sem afmarkaður er 1,6 km radíus út frá miðbænum sem eru mörk 15 mínútna göngufæris og 6 mínútna hjólafæris.
Kortið er útbúið í samvinnu við reiðhjólasamtökin Hjólafærni og sýnir hversu vegalengdir í Mosfellsbæ eru oftast stuttar og því tilvalið að nýta sér vistvæna samgöngumáta eins og reiðhjól eða gönguferðir.
