Mosfellsbær auglýsti í samræmi við samþykktir bæjarstjórnar lýsingu vegna endurskoðunar aðalskipulags þann 19. september sl.
Skipulagslýsingin og upplýsingar um hana eru aðgengilegar almenningi á vef sveitarfélagsins en einnig á upplýsingatorgi við bókasafnið að Þverholti 2. Frestur til þess að skila inn ábendingum er til og með 23. október 2020.
Kynningarfundur 12. október kl. 17:00
Mánudaginn 12. október n.k., kl. 17:00, verður kynningarfundi streymt þar sem farið verður yfir efni lýsingarinnar. Fundurinn er rafrænn til þess að tryggja helstu sóttvarnir. Streymi á fundinn verður aðgengilegt samdægurs á vef Mosfellsbæjar og á fésbókarsíðu sveitarfélagsins.
Hægt verður að senda inn spurningar en einnig má senda þær fyrir fundinn á skipulag[hja]mos.is. Formlegar umsagnir vegna lýsingar má einnig senda á sama netfang.
Skipulagsfulltrúi Mosfellsbæjar
Tengt efni
Fundir skipulagsnefndar vegna aðalskipulags
Í vinnslu og undirbúningi er endurskoðun á aðalskipulagi Mosfellsbæjar 2011-2030.
Rafræn kynning á lýsingu nýs aðalskipulags
Í dag, mánudaginn 12. október, kl. 17:00 verður boðið upp á beint streymi þar sem skipulagfulltrúi Mosfellsbæjar fer yfir efni skipulagslýsingar vegna nýs aðalskipulags.
Skipulagslýsing fyrir nýtt aðalskipulag
Bæjarstjórn Mosfellsbæjar hefur samþykkt í samræmi við 1. mgr. 30. gr. skipulagslaga nr. 123/2010 að kynna skipulagslýsingu fyrir nýtt aðalskipulag sveitarfélagsins.