Markmið Klörusjóðs er að stuðla að framþróun á skóla- og frístundastarfi í Mosfellsbæ.
Sjóðurinn er ætlaður til að styrkja verkefni sem unnin eru í einstökum skóla eða í samstarfi á milli skóla. Samkvæmt reglum sjóðsins er úthlutað einu sinni á ári en vegna áhrifa samkomubanns á skólastarf undanfarana vikur hefur umsóknarfresti verið breytt þetta árið.
Framlag til sjóðsins árið 2020 eru tvær milljónir og í ár er áherslan lögð á verkefni á sviði upplýsinga- og tæknimála. Hægt er að sækja um í sjóðinn á íbúagátt Mosfellsbæjar til 28. maí.
Allar upplýsingar um reglur Klörusjóðs má finna á vef Mosfellsbæjar.
Nafn sjóðsins er Klörusjóður, til heiðurs Klöru Klængsdóttur (1920-2011). Klara útskrifaðist frá Kennaraskóla Íslands árið 1939 og hóf sama ár kennslu við Brúarlandsskóla. Hún starfaði alla sína starfsævi sem kennari í Mosfellsbæ.
Tengt efni
Styrkir til verkefna á sviði velferðarmála fyrir árið 2025
Umsókn um styrk til náms, verkfæra- og tækjakaupa 2024
Umsóknarfrestur er til og með 20. október 2024.
Erna Sóley afreksíþróttamaður 2024
