Jafnréttisdagur Mosfellsbæjar verður haldinn í Hlégarði í dag, föstudag 18. september kl. 10:00 – 12:00.
Yfirskrift jafnréttisdagsins í ár er Jafnrétti í skólum – Raddir barna.
Mosfellsbær er hefur sl. tvö ár verið þátttakandi í verkefninu Jafnréttisfræðsla í skólum, í samvinnu við fjögur önnur sveitarfélög, Jafnréttisstofu og Félags- og tryggingamálaráðuneytið. Þess vegna var ákveðið að tileinka jafnréttisdaginn í ár Jafnrétti í skólum, og yfirskrift dagsins er: Jafnrétti í skólum – raddir barna. Börn úr Mosfellsbæ á aldrinum 5 – 15 ára munu koma og fjalla um jafnréttismál út frá sínu sjónarhorni, líkt og sjá má nánar í dagskrá.
Dagskrá:
- 10:00 – Ávarp
Þorbjörg Inga Jónsdóttir, varaformaður fjölskyldunefndar Mosfellsbæjar - 10:15 – Strákar og stelpur
5 ára nemendur leikskólans Reykjakots - 10:25 – Jafnrétti í leik og starfi
Nemendur á yngsta stigi í Lágafellsskóla - 10:40 – Jafnrétti kynjanna frá landnámi til vorra daga
Myndband frá 4. bekk í Vogaskóla 2008-2009 - 10:50 – Hlé – kaffi, te, kleinur og djús
- 11:15 – Hvernig jafnréttisfræðslu viljum við fá í skólanum?
Nemendur unglingadeildar Varmárskóla - 11:30 – Þátttaka nemenda við framkvæmd jafnréttisáætlunar
Nemendur unglingadeildar Lágafellsskóla - 11:45 – Jafnréttisviðurkenning Mosfellsbæjar 2009
Jóhanna B. Magnúsdóttir, formaður fjölskyldunefndar Mosfellsbæjar - 11:55 – Ávarp bæjarstjóra
Haraldur Sverrisson, bæjarstjóri Mosfellsbæjar - 12:00 – Dagskrárlok
Fundarstjóri verður Sigríður Indriðadóttir, mannauðstjóri og jafnréttisfulltrúi Mosfellsbæjar
Jafnréttisdagur Mosfellsbæjar er árlegur viðburður og er 18. september fæðingardagur Helgu J. Magnúsdóttur sem var fyrst kvenna til að vera oddviti Mosfellsbæjar. Helga lét sig málefni kvenna varða með ýmsum hætti. Hún var til að mynda formaður Kvenfélagasamband Gullbringu og Kjósarsýslu, og einnig formaður Kvenfélagasambands Íslands.
Tengt efni
Tilnefningar til jafnréttisviðurkenningar Mosfellsbæjar 2023 – framlengdur umsóknarfrestur
Velferðarnefnd, sem fer með hlutverk jafnréttisnefndar, auglýsir eftir tilnefningum til jafnréttisviðurkenningar Mosfellsbæjar 2023.
Tilnefningar til jafnréttisviðurkenningar Mosfellsbæjar 2023
Velferðarnefnd auglýsir eftir tilnefningum til jafnréttisviðurkenningar Mosfellsbæjar 2023.
Upptaka frá jafnréttisdegi Mosfellsbæjar 2022
Jafnréttisdagur Mosfellsbæjar var haldinn hátíðlegur í Hlégarði 22. september 2022.
