Íþrótta- og tómstundanefnd Mosfellsbæjar veitti á dögunum styrki til efnilegra ungmenna.
Styrkurinn er fólginn í launum frá Mosfellsbæ og greitt er í samræmi við önnur sumarstörf hjá Mosfellsbæ. Markmiðið með styrkjunum er að gefa einstaklingum sömu tækifæri og jafnöldrum þeirra til að njóta launa á sama tíma og þau stunda list sína, íþrótt eða tómstund yfir sumartímann. Við valið er stuðst við reglur sem byggja á vilja Mosfellsbæjar til að koma til móts við ungmenni sem vegna íþrótta, lista eða tómstunda eiga erfitt með að vinna launuð störf að hluta til eða að öllu leiti yfir sumartímann.
Að þessu sinni sóttu 25 einstaklingar á aldrinum 16−20 ára um. Það var að vanda aðdáunarverður listi hæfra umsækjenda sem sóttu um og langt frá því auðvelt verk að velja á milli og bera saman einstaklinga sem stunda svo ólíkar greinar.
Ungmennin sjö sem hlutu ýmist fullan styrk eða hluta styrk eru:
- Andri Eyfjörð Jóhannesson (tónlist)
- Agla Þórarinsdóttir (píanó)
- Hafrún Rakel Halldórsdóttir (knattspyrna)
- Íris Torfadóttir (fiðla)
- Kristófer Karl Karlsson (golf)
- María Eir Guðjónsdóttir (golf)
- Oliver Ormar Ingvarsson (bogfimi)
Á myndina vantar Hafrúnu Rakel og Oliver Ormar.
Tengt efni
Frumkvöðlar óskast!
Lumar þú á frumlegri hugmynd sem gæti gert gott samfélag enn betra?
Styrkir veittir til efnilegra ungmenna 2024
Á dögunum veitti íþrótta- og tómstundanefnd Mosfellsbæjar styrki til ungra og efnilegra ungmenna á fundi sem haldinn var í Listasal Mosfellsbæjar.
Umsóknir óskast í Klörusjóð fyrir árið 2024
Nýsköpunar- og þróunarsjóður skóla- og frístundastarfs í Mosfellsbæ.
