Mosfellingurinn Greta Salóme er eins og flestum er kunnugt fulltrúi okkar Íslendinga í Eurovision þetta árið.
Hún er höfundur lagsins Mundu eftir mér sem hún flytur sjálf ásamt Jóni Jósepi Snæbjörnssyni. Áður en dúettinn heldur utan verða haldnir kveðjutónleikar hér í Mosfellsbæ. Tónleikarnir fara fram á Miðbæjartorginu föstudaginn 11. maí kl. 13:00. Stefnt er að því að nemendum á öllum skólastigum í Mosfellsbæ verði sérstaklega boðið.
Viðburðurinn verður partur af hátíðarhöldum á afmælisári Mosfellsbæjar sem fagnar 25 ára afmæli í ágúst.
