Nýr hjóla- og göngustígur milli Mosfellsbæjar og Reykjavíkur verður opnaður formlega föstudaginn 14. desember kl. 12:14 við Skógræktina í Hamrahlíð.
Borgarstjóri, bæjarstjóri Mosfellsbæjar og vegamálastjóri opna stíginn. Boðið er upp á heitt kakó og samlokur í Hamrahlíð við Vesturlandsveg á svæði Skógræktarfélags Mosfellsbæjar frá kl. 12:00.
Fríður flokkur hjólafólks mun fagna þessum áfanga og hjóla með klingjandi bjölluhljómi eftir stígnum. Í þeim hópi er fólk sem stundar hjólreiðar allt árið og stígurinn því hin besta jólagjöf. Stígurinn er mikil samgöngubót fyrir gangandi og hjólandi vegfarendur og mun án efa styðja við heilsueflandi samfélag í Mosfellsbæ.
Öll velkomin.
Fjölmiðlar eru einnig velkomnir til þessarar stuttu athafnar á nýjum stíg.
Tengt efni
Hleðslustöðvarnar átta komnar í notkun
Í sumar var boðin út uppsetning, rekstur og fjölgun hleðslustöðva í Mosfellsbæ.
Endurnýjun og fjölgun hleðslustöðva í Mosfellsbæ
Í sumar var boðin út uppsetning, rekstur og fjölgun hleðslustöðva í Mosfellsbæ.
Aukið umferðaröryggi - Ábendingagátt opin til 1. nóvember 2023
Mosfellsbær vinnur nú að umferðaröryggisáætlun fyrir sveitarfélagið.