Fræðslu og frístundavið Mosfellsbæjar stendur fyrir foreldrafundi í kvöld, þriðjudag 22. ágúst. Fundurinn hefst kl. 17:30 og er haldinn á Teams.
Markmið með fundinum er að foreldrasamfélagið stilli saman strengi fyrir veturinn. Skipulagt foreldrarölt hefst á miðvikudaginn og framundan er bæjarhátíðin Í túninu heima. Lögð er áhersla á þátttöku foreldra til að fyrirbyggja hópamyndun. Hlutverk foreldra í röltinu er að vera sýnileg, vera til staðar, hlusta og leiðbeina en hringja í lögregluna ef að við á.
„Það er mjög mikilvægt að taka líka samtalið um að börn beri virðingu fyrir hvert öðru og eigum annarra, líka bæjarins“ segir Edda Davíðsdóttir forvarnarfulltrúi Mosfellsbæjar. Á fundinn mætir Margrét Lilja Guðmundsdóttir sérfræðingur hjá Rannsóknum og greiningu og fulltrúar frá Lögreglustöðinni á Vínlandsleið sem eru í hlutverki samfélagslögregluþjóna.
Tengt efni
Fögnum fjölbreytileikanum - Regnbogagata máluð í Mosfellsbæ
Í dag, miðvikudaginn 9. ágúst, á 36 ára afmælisdegi Mosfellsbæjar, tóku bæjarstjóri og bæjarfulltrúar til hendinni og máluðu regnbogagötu fyrir framan félagsheimilið Hlégarð.
Barnadjasshátíð í Mosfellsbæ sú fyrsta sinnar tegundar
Dagana 22.-25. júní verður hátíðin Barnadjass í Mosó haldin í fyrsta skipti.
Vel heppnuð 17. júní hátíðarhöld
Dagskrá þjóðhátíðardagsins í Mosfellsbæ var fjölbreytt og veðrið lék við hátíðargesti.
