Erna Sól­ey af­reksí­þrótta­mað­ur 2024

Í dag hlaut ólymp­íufar­inn og Mos­fell­ing­ur­inn Erna Sól­ey Gunn­ars­dótt­ir kúlu­varp­ari, sem er fyrst kvenna til að keppa fyr­ir Ís­lands hönd á Ólymp­íu­leik­um í kúlu­varpi, styrk úr  sjóði fyr­ir af­reksí­þrótta­fólk í Mos­fells­bæ. Það var Erla Ed­vards­dótt­ir formað­ur íþrótta- og tóm­stunda­nefnd­ar Mos­fells­bæj­ar sem veitti Ernu styrk­inn fyr­ir hönd Mos­fells­bæj­ar. Að­eins fimm Ís­lend­ing­ar eiga keppn­is­rétt á Ólymp­íu­leik­un­um í ár.

Erna Sól­ey sem er 24 ára setti Ís­lands­met í kúlu­varpi á Meist­ara­móti Ís­lands á Ak­ur­eyri í sum­ar þeg­ar hún kast­aði kúl­unni 17,91 metra. Að sögn Ernu hef­ur hún haft það að mark­miði í 12 ár að keppa á Ólymp­íu­leik­um. Mark­mið­ið í Par­ís er að kasta yfir 18 metra og einn­ig að verða ein af 12 efstu til að kom­ast í úr­slit. „Ég þekki flesta mót­herj­ana og  hef keppt við þær áður. Ég hlakka mik­ið til að mæta þeim í Par­ís þann 8. ág­úst“ seg­ir Erna Sól­ey.

Styrk­ur­inn sem Mos­fells­bær veit­ir Ernu Sól­eyju vegna af­reks henn­ar að kom­ast á Ólymp­íu­leik­ana er 500.000 kr. en við sama til­efni veitti upp­eld­is­fé­lag henn­ar Aft­ur­eld­ing af­reks­styrk að sömu upp­hæð.

Markmið Mos­fells­bæj­ar er að styðja enn frek­ar við af­reksí­þrótta­fólk sem á lög­heim­ili í Mos­fells­bæ og hafa hlot­ið styrk úr af­reks­sjóði ÍSÍ. Styrk­ur­inn tek­ur ekki til flokkaí­þrótta.