Bæj­ar­ráð sam­þykk­ir við­bragðs­áætlun Mos­fells­bæj­ar

Bæj­ar­ráð Mos­fells­bæj­ar hef­ur sam­þykkt við­bragðs­áætl­un­Mos­fells­bæj­ar vegna heims­far­ald­urs in­flú­ensu og jafn­framt stofn­að neyð­ar­stjórn­sem tek­ur til starfa ef og þeg­ar neyð­ar­ástand rík­ir. Við­bragðs­áætlun Mos­fells­bæj­ar er gerð í sam­ræmi við til­mæli sótt­varn­ar­lækn­is og al­manna­varn­ar­deild­ar rík­is­lög­reglu­stjóra og er hluti af svæð­isáætlun al­manna­varn­ar­deild­ar rík­is­lög­reglu­stjóra.

Auk við­bragðs­áætl­un­ar fyr­ir starf­semi  sveit­ar­fé­lags­ins í  heild hafa ein­stök svið og stofn­an­ir gert áætlan­ir um við­brögð við af­leið­ing­um flens­unn­ar á við­kom­andi starf­semi.

Slökkvilið höf­uð­borg­ar­svæð­is­ins mælti með því að sveit­ar­fé­lög­in stofn­uðu neyð­ar­stjórn­ir til að vinna með Að­gerða­stjórn höf­uð­borg­ar­svæð­is­ins og Sam­hæf­ing­ar­stöð­inni í Skóg­ar­hlíð í neyð. Neyð­ar­stjórn­Mos­fells­bæj­ar skipa bæj­ar­stjóri, fram­kvæmda­stjór­ar sviða, fjár­mála­stjóri og kynn­ing­ar­stjóri.

Að mati Slökkvi­liðs­ins er nauð­syn­legt að hafa tengi­liði í hverju sveit­ar­fé­lagi sem þekkja vel til starf­semi þess og hafa um­boð til að­taka ákvarð­an­ir. Einn­ig var mælt með að neyð­ar­stjórn­ir gætu sam­þykkt fjár­út­lát sem ekki er gert ráð fyr­ir á fjár­hags­áætlun ef upp koma at­vik sem krefjast þessað brugð­ist sé við sam­stund­is. Þar get­ur ver­ið um að ræða kaup á björg­un­ar­bún­aði, mat­væl­um eða öðru slíku.

Í við­bragðs­áætlun Mos­fells­bæj­ar er m.a. lögð áhersla á að styrkja sótt­varn­ir á vinnu­stöð­um, skipu­leggja að­gerð­ir til að mæta aukn­um for­föll­um á vinnu­stöð­um og tryggja við­kvæma grunn­þjón­ustu. Jafn­framt er leit­ast við að meta hvaða þjón­usta verði að haldast órofin breyt­ist áhættumat frá ág­úst 2009 og dán­ar­tíðni verði um­fram það sem bú­ast má við í venju­legu ár­ferði. Markmið áætl­un­ar­inn­ar er að tryggja skipu­lögð og sam­ræmd við­brögð yf­ir­stjórn­ar í far­aldri.

Þau sem vilja fylgjast nán­ar með fyr­ir­mæl­um og upp­lýs­ing­um sótt­varna­lækn­is og al­manna­varna er bent á vef­svæði þeirra.