Nýlega var tekin í notkun viðbót við kortavef Mosfellsbæjar sem sýnir fyrirliggjandi framkvæmdir. Markmiðið er að auka upplýsingagjöf til íbúa.
Um er að ræða nýjan valmöguleika undir „Framkvæmdir og teikningar“ sem heitir „Gatnagerð og yfirborð“ og má þar finna upplýsingar um áætlaðar framkvæmdir á götum, gangstéttum og yfirborði. Með því að smella á gula hjálma sem birtast í yfirlitsmynd er hægt að sjá stöðu og nánari útskýringar á verkinu sem var valið.
Framkvæmdirnar sem um ræðir eru yfirborðsfrágangur á grænum svæðum, malbik, kantsteinar og steypun gangstétta.
